Jalaǵashtyq ustaz: Pedagogtar mártebesi týraly máseleni tolyq qoldaımyn

JALAǴASh. QazAqparat - «Men bilim salasynda qyzmet etemin. Sondyqtan Elbasynyń pedagogtardyń statýsy týraly zań qabyldaý kerek degen usynysyn jyly qabyldadym», - deıdi Qyzylorda oblysy, Jalaǵash aýdany T.Júrgenov atyndaǵy №123 mektep-lıtseıiniń tarıh pániniń muǵalimi Darhan Іlııasov.

Onyń aıtýynsha, Elbasy Joldaýy arqyly jetistikter ekshelip, alǵa qaraı adymdaý úshin jańa josparlar qurylady. Alǵa jańa mindetter júkteledi.

«Prezıdent Joldaýyn teledıdardan tikeleı efır arqyly kórip, eldiń ekonomıkasyn ary qaraı damytýǵa baǵyttalǵanyn túsindik. Tipti, jahandanýǵa bet alǵan ǵylym men tehnologııa zamanynda álemdik kóshten qalyp qoımas úshin jańa maqsattar belgilengen. Bul óz kezeginde eldiń áleýetin arttyratyn, bolashaǵyn jarqyn etetin, «Qazaqstan-2050» strategııasynda kózdelgen mejelerge jetkizetin, bolashaqqa dańǵyl jol salatyn qadam bolmaq», - dedi D.Іlııasov.

Joldaýda Memleket basshysy Úkimetke kelesi jyldyń qańtarynan bastap eń tómengi jalaqyny 1,5 ese arttyrýdy tapsyrdy. Sondaı-aq, keler jyldy jastar jyly dep jarııalaýdy usyndy. Bul jastar úshin úlken qoldaý ekeni anyq.

«Elbasy muǵalimderge barlyq jumys júkteletinin aıtty. Memleket basshysy oǵan eshkim aqsha tólep jatpaǵanyn jetkizip, ondaı júktemeden aryltý kerektigin aıtyp ótti. Memleket basshysynyń bul bastamasy bilim júıesine serpin bereri sózsiz. Joldaýda aıtylǵan árbir oıdyń astynda úlken mán jatyr. Barlyq ıdeıa 100 qadammen ushtasyp, elimizdi damyǵan memleketterdiń kóshine qaraı bastary aıqyn», - dedi D.Іlııasov.