Jalaǵash aýdanynda ekpe qabyldaýǵa qabiletti turǵyndar túgeldeı ekpemen qamtyldy - Qyzylorda

QYZYLORDA. QazAqparat - Qyzylorda oblysy Jalaǵash aýdanynda josparlanǵan ekpe qabyldaýǵa qabiletti 19375 adam tolyqtaı ekpe saldyrdy, dep habarlaıdy QazAqparat tilshisi.

Óńirde koronavırýs ınfektsııasynyń taralýy báseńdeı tústi. Dese de Qyzylorda oblysy «sary» aımaqta tur. Aımaqta karantındik sharalardyń qatań saqtalýy basty nazarǵa alynǵan. Oǵan qosa vaktsınatsııalaý jumystary da qarqyndy júrgizilýde.

«Nátıjesinde osy táýlikke deıin oblys turǵyndarynyń 78,4 paıyzy (354 536 adam) ekpeniń alǵashqy komponentin alsa, ekinshisin 284 957 adam saldyrdy. Ekpe saldyrýdan aýdandar arasynan Jalaǵash (19375) alda keledi. Al oblys ortalyǵyndaǵy №1 qalalyq emhana (25256 adam) aýmaǵy kósh bastady. Olar boıynsha birinshi komponent boıynsha ekpe qabiletti adamdar tolyqtaı qamtyldy. Oblystar arasynda vaktsına alý boıynsha Qyzylorda oblysy respýblıkada besinshi orynda keledi», - dep jazylǵan óńirlik kommýnıkatsııalar qyzmeti taratqan habarlamada.

Eske salsaq, Qyzylorda oblysynda vaktsına alǵandardyń 0,4% koronavırýs juqtyrdy.