Jaqyp Asanov Qazaqstanda eń birinshi bolyp áriptesine hat jazý tájirıbesin engizdi
«Jaqyp Qajymanuly Joǵarǵy sotqa kelgen sátinen bastap kommýnıkatsııa máselesine basym nazar aýdardy. Bul rette negizgi quraldardyń biri onyń áriptesterine hat jazýy boldy. 8 aılyq jumysynyń ishinde ol 5 hat jazdy. Olardyń árqaısysynyń naqty taqyryby men mindeti bar», - dedi B.Kalıanbekov.
Onyń aıtýynsha, «Az jasalǵan joq, birge jalǵastyramyz!» dep atalatyn birinshi hat 2017 jyldyń 20 jeltoqsanynda jazylǵan. 2017 jyldyń 28 jeltoqsanyndaǵy ekinshi haty «Qazaqstannyń advokattary men prokýrorlaryna» dep atalǵan. Bul hattarda J.Asanov sottardyń jumysyn jaqsartý úshin ashyq suhbat bastaýdy usynady. Jaýap retinde Joǵarǵy sotqa myńǵa jýyq usynys kelip túsken.
«Ne isteımiz, ne isteıtin bolamyz jáne nelikten?» dep atalatyn úshinshi hat 2018 jyldyń naýryzynda jazylǵan. Onda J.Asanov sot júıesin jańǵyrtý boıynsha júrgizilip jatqan jumystar jaıynda baıandaıdy. Bas prokýror 2018 jyldyń 26 sáýirinde jazǵan besinshi hatynda sot júıesin jańǵyrtý jaıyndaǵy áńgimesin odan ary jalǵastyrǵan. Sot aktileriniń sapasyna erekshe nazar aýdaryp, úzdik sot aktileri baıqaýynyń bastalǵanyn jáne onyń maqsatyn jan-jaqty ashyp kórsetken.
Al «Sizben bizdiń jaýapkershiligimiz jaıynda. Kásibı ári jeke» dep atalatyn besinshi hat 2018 jyldyń 13 tamyzynda jazylǵan. Onda Joǵarǵy sot tóraǵasy sýdıalardy sot ádildigin shyǵarý barysynda zań men ar-ojdandy basshylyqqa alýǵa shaqyrǵan.
B.Kalıanbekovtiń aıtýyna qaraǵanda, memlekettik organdardyń birinshi basshylaryna hat jazý tájirıbesi Qazaqstanda alǵash ret qoldanylyp otyr. J.Asanovtyń barlyq hattary buqaralyq aqparat quraldarynda jarııalanǵan.