Jaqyp Asanov EQYU ókilderimen kezdesti

ASTANA. QazAqparat - QR Parlamenti Senaty tóraǵasynyń orynbasary Jaqyp Asanov Qaýipsizdik jáne yntymaqtastyq uıymynyń Astana qalasyndaǵy Baǵdarlamalar keńsesiniń basshysy Folker Frobartpen kezdesti, dep habarlaıdy QazAqparat QR Parlamenti Senatynyń baspasóz qyzmetine silteme jasap.

Jaqyp Asanov óz sózinde Qazaqstan adam quqyqtary men zań ústemdigi salasyndaǵy óziniń halyqaralyq mindettemeleri men ulttyq kún tártibine sáıkes qajetti saıası reformalardy kezeń-kezeńimen júzege asyryp jatqanyn atap ótti.

«EQYU-ǵa qatysýshy memleket retinde Qazaqstanda zań ústemdigi qaǵıdaty qatań saqtalatynyn atap ótkim keledi. Ashyq sot protsesterine monıtorıng júrgizýge DIAQB baıqaýshylarynyń shaqyrylýy bizdiń júıeniń ashyqtyǵyn aıǵaqtaıdy jáne senimdi nyǵaıtý sharasy bolyp tabylady. Parlamentaralyq ólshemdegi syndarly yntymaqtastyqty jalǵastyrýǵa úmit artyp otyrmyz. EQYU jáne onyń Parlamenttik Assambleıasy daǵdarystyq jaǵdaılardy sheshýde mańyzdy ról atqara alady jáne atqarýy tıis. Bul turǵyda EQYU-nyń búkil keńistiginde senim men ózara túsinistik ahýalyn qamtamasyz etýdegi parlamenttik dıplomatııanyń róli asa mańyzdy»,- dep atap ótti Senat tóraǵasynyń orynbasary.

Taraptar sondaı-aq bıyl 19 naýryzda ótetin el bıliginiń ókildi organdaryna saılaýdy da talqylady. Tóraǵanyń orynbasary qazaqstandyq tarap EQYU DIAQB jáne PA baıqaýshylar mıssııasynyń tıimdi jumys isteýi úshin qajetti barlyq jaǵdaıdy jasaýǵa daıyn ekenin atap ótti.

Jaqyp Asanov kezdesý sońynda aldaǵy ýaqytta bizdiń elderimiz ben halyqtarymyzdyń ıgiligi jolynda ózara syılastyq pen qoldaý qaǵıdatyna negizdelgen yntymaqtastyq qarqyndy damı beretinin jáne Qazaqstan men EQYU arasyndaǵy ózara is-qımyldy odan ári tereńdetý úshin jańa múmkindikter ashylatynyn atap ótti.