Jaqyp Asanov: Biz kóp sóıleýge májbúr boldyq
«Byltyrdan beri bizde óte kóp shara boldy. 10-nan astamy tikeleı efırde ótti. Sol kezde «Joǵarǵy sottyń basshylary nege kóp sóıleı beredi, kóp sóılegenshe sonyń barlyǵyn iske asyrmaı ma?» degen áńgimeni estidik. Árıne, onyń barlyǵyn biz aıta almadyq. Biraq, onyń sebebi boldy. Eń basty sebebi biz ózimizdiń baǵdarlamalarymyzdy jazǵannan keıin jaǵdaıdy jaqsartý úshin biraz zańdy ózgertý qajettiligi paıda boldy. Al endi ony ózgertý úshin sol máselege qatysty barlyq memlekettik organdardyń, basqa qurylymdardyń kelisimi kerek. Keıbir memlekettik qurylymdar bizben kelispeı qarsylyq bildirip jatty. Sondyqtan biz kóp sóıleýge májbúr boldyq. Óıtkeni ózimizdiń ustanymyzdy dáledeý kerek boldy», - dedi ol2019 jyldyń 1 jartyjyldyqtaǵy sot tóreligin júzege asyrý qorytyndysy qaralǵan keńeste.
Osy oraıda, ol 2018 jyldyń qarasha aıynda Elbasy jıyn ótkizip, onda sýdıalardy synaǵanyn jáne naqty tapsyrma bergenin aıtty.
«Sodan keıin bizdiń zańdarymyz alǵa jyljydy. Zań jobalary Májiliske engizildi. Májiliste, Senatta qaraldy, kúshine endi. Jalpy 6 zań kúshine enip, qazir óziniń nátıjesin berip jatyr. Basym bóligi áli Parlament qaraýynda. Búgingi kúni Parlamentte 7 zań jobamyz bar. Olardyń barlyǵynda da sotqa qatysty máseleler qaralǵan. Sondyqtan olar da bizdiń jumysty biraz alǵa ilgerletedi degen senimiz bar», - dedi Jaqyp Asanov.