Jaqyp Asanov: Bıik maqsattarǵa jetý úshin jastar óz isiniń sheberi bolýy kerek

ASTANA. QazAqparat - Búgin Aqtóbede úzdik stýdenttermen kezdesken Bas prokýror Jaqyp Asanov jastarǵa maqsat qoıýdyń mańyzdylyǵy, armanǵa jetý úshin aıanbaı eńbek etý kerektigi, ómirde bir salanyń mamany bolý qajet ekeni týraly áńgimelep berdi.

«Árbir azamat ómirinde óziniń qolynan keletin isti taýyp, onyń sheberi, mamany, maıtalmany bolýy tıis. Oǵan jetý úshin árbir adam ózin-ózi damytýy, belsendi bolýy, alǵa umtylýy kerek. Umtylys degenimiz  durys jospar quryp, baryńdy, janyńdy salyp, sony oryndaýǵa tyrysý. Ózińdi óziń qaırap, qınamasań, alǵa jyljý degen eshqashan bolmaıdy»,-  dedi ol.

J.Asanov jastarǵa óz jumysyna berilip, erinbeı oqyp, ter tókkende ǵana bir salanyń mamany, sheberi bolyp shyǵatyndyqtaryn eskertti.

Sonda senderge mindetti túrde suranys ta bolady, jaǵdaılaryń da jaqsarady. Qazirgi tamasha zamanda ómir súrip jatyrsyzdar. Elimiz táýelsiz, barlyq eldermen terezemiz teń. Bilim alamyn, ósemin, adam bolamyn degen jastarǵa barlyq múmkindik bar. Tek bolashaqtaryńa balta shabatyn nárselerden aýlaq bolyńdar», - dedi Bas prokýror.