Jaqyp Asanov ádiletsiz sot sheshimderi týraly aıtty
«Bizdiń sýdıa talap sheginde shekteýli ári beıtarap. Ol beıtarap bolýǵa mindetti de. Ózine taraptar bergen qujattardy tek qana baǵalaıdy, boldy. Qalaı isteý qajettigin biledi. Biraq, aıtýǵa quqy joq. Bul sonda qandaı protsess bolǵany? Árıne, adamdarda kóptegen suraq týyndaıdy. Olarǵa bizdiń protsessýaldy zańnamany egjeı-tegjeıli túsindire almaısyń. Óıtkeni olar túsinbeıdi. Seısenbi kúni Astana qalasynyń Saryarqa aýdandyq sotynda boldy. Sýdıalardyń barlyǵy da protsessýaldy belsendilik berýdi ótinedi. Olar bylaı deıdi: «Adamdar aldynda uıat. Óıtkeni bizdiń tilimizdi túsinbeı, formalıster dep aıtady», - dedi Jaqyp Asanov Qazaqstan sýdıalarynyń keńeıtilgen otyrysynda.
Onyń aıtýynsha, bul máseleniń taǵy bir qyry bar. ıAǵnı, sot sheshimi zańdy bolǵanymen ádiletsiz. Osy rette Joǵarǵy sot tóraǵasy naqty mysal da keltirdi.
«Men tyrysyp baqtym, alaıda áriptesterim zańdy buzýyma jol bermeı qoıdy. 10 jyl buryn úsh balasy bar áıelge 19 sharshy metrlik páter berilgen. Ol jóndeý jumystaryn jasap, 300 myń teńge kommýnaldyq shyǵynyn tólep, qonystanǵan. Endi, aǵymdaǵy jyly ákimdik ony shyǵaryp jibermek boldy. Mine osy kezde Joǵarǵy sotta da biz ony qorǵaı almaımyz. Nege ekenin bilesizder me? Sebebi belsendilik tanytýǵa quqyǵymyz joq. Sondyqtan iske basqa talap, basa sot protsesi qajet. Osynaý tozaq sheńberin ózi jalǵyz ótýi tıis, al bizdiń quqyǵymyz joq. Eger biz birdeńe jasaı bastasaq, onda bul ókilettikti asyra paıdalaný bolmaq», - dedi Jaqyp Asanov.