Jaqynda ken ornyn paıdalanýshylar tabysynan túsken qarjyny ınnovatsııaǵa baǵyttaýdyń tıimdi tetigi ázirlenedi
Bul týraly búgin Úkimet otyrysynda Indýstrııa jáne jańa tehnologııalar mınıstri Áset Isekeshev málim etti.
«Birinshi toqsanda Indýstrııa jáne jańa tehnologııalar mınıstrligi áriptestermen birlese ken ornyn paıdalanýshylar tabysynyń 1 paıyzyn ǵylym men ınnovatsııany damytýǵa baǵyttaý jónindegi normany tıimdi paıdalaný tetigin qarastyrady. Ekinshi toqsanda jumysqa kirisý úshin bul mehanızmdi paıdalanýdyń erjelerin bekitý qajet»,-dedi vedomstvo basshysy.
Sonymen qatar Úkimet otyrysy barysynda Á. Isekeshev Indýstrııa jáne jańa tehnologııalar mınıstrligi bıyl ındýstrııalandyrý kartasynyń balamasy boıynsha ınnovatsııa kartasyn qalyptastyrýdy usyndy.
Onyń aıtýynsha, aǵymdaǵy jyly elimizde ınnovatsııalyq jobalarǵa aıyryqsha nazar aýdarylatyn bolady. Osyǵan baılanysty ınnovatsııalar kartasyn qurý qajet. ıAǵnı, bul ınnovatsııalyq jobalardyń kartasy bolyp negizdeledi. Onda qoldaý kórsetýdiń arnaıy tetikteri men jaǵdaıy qamtylady. Osy másele boıynsha tıisti usynystar Úkimetke taıaý ýaqytta engizilmek.