#JaqsylyqJasa: Pavlodarda eki kásipker jerlesterine tegin ystyq taǵam usyndy
«Igi isti júzege asyrýǵa «Grýzııa» meıramhanasynyń ıesi Maka Álimbaeva, «Halal» dámhanasynyń ıesi Qalımash Aıtqulova nıet bildirdi. Búginnen bastap saǵat 11.00-den 18.00-ge deıin kez kelgen adam osynda kelip as ishe alady. Eki kásipker 200-den astam adamǵa dastarhannan dám usynýǵa daıyn. Qaqaǵan aıazda adamdar bir-birine meıirimdilik tanytyp, ózara qoldaý bildirgeni durys. Sondyqtan aktsııa kún jylynǵanǵa deıin jalǵasady», - deıdi Sharbaqty aýdandyq ishki saıasat bóliminiń basshysy Serjan Imanqulov.
Budan basqa, aýa raıy jaǵdaıyna baılanysty aýyl turǵyndaryna kómek kórsetý úshin chellendj uıymdastyrylǵan. Tańerteńgi mezgilde jáne keshke 35 gradýs sýyqta jaıaý jumysqa nemese úıge bara jatqan adamdardy kórgen jaǵdaıda kólik júrgizýshileri úıine deıin tegin jetkizip salady. Ásirese, jolda turǵan áıel adamdar men balalardyń tońyp qalmaýyna kóńil bólinýde.
Búgingi tańda 19,6 myń adam turatyn aýdanda 888 shaǵyn jáne orta bıznes sýbektisi jumys isteıdi. Ótken jyly elimizdiń ońtústik óńirlerinen 38 otbasy men alty oralman otbasy qonys aýdarsa, bıylǵy jyly 46 shańyraqty kóshirý josparlanyp otyr. Onyń ishinde 10 otbasy oralmandar.