#JaqsylyqJasa: Astanalyq taksı qyzmeti jolaýshylardy tegin tasymaldaıdy
15:48, 07 Aqpan 2019
ASTANA. QazAqparat - Búgin ASTANA TAXI kólikteri qalalyq avtobýstar baǵdarymen júrip, jolaýshylardy tegin tasymaldaıdy. Bul týraly aqparat Astana qalasy qalalyq ortany regeneratsııalaý basqarmasynyń Feısbýktegi paraqshasynda jarııalandy, dep habarlaıdy QazAqparat tilshisi.
«Memlekettik-jeke menshik seriktestik sharty aıasynda, qalalyq ákimdik únemdelgen qarajat esebinen ASTANA TAXI-men birge "Jyly sapar" aktsııasyn ótkizedi. 7 aqpan kúni ASTANA TAXI avtomobılderi qalalyq avtobýs baǵdarlarymen júrip, jolaýshylardy tegin ári jaıly jetkizetin bolady. Eger siz avtobýs aıaldamasynda tursańyz nemese kóshede taksı toqtatqanda ASTANA TAXI kóligi kelse, tań qalmańyz. Osylaısha biz sizdermen jaqsylyqty bólisemiz», - delingen habarlamada.
Aıta ketý kerek, shyńyltyr aıaz bastalǵaly astanalyqtar aıaldamada avtobýs kútken turǵyndardy kólikterimen jetkizip tastap jatyr. Mańaıyna beı-jaı qaramaıtyn elordalyq kólik ıeleri osy úrdiske ózge adamdardy da atsalysýǵa shaqyrǵan bolatyn.