#JaqsylyqJasa: Almaty oblysynda muqtaj otbasylarǵa qoı taratyldy
Qaıyrymdylyq sharasy barysynda turmys jaǵdaıy tómen 40 otbasyǵa kómek kórsetildi. Atap aıtqanda, otyz bir qoı, 7 qap un, 25 kg qant jáne taǵy basqa azyq-túlik taratyldy.
«Qaıyrymdylyq jasaǵan azamattarǵa Alla razy bolsyn. Qaıyrymdylyqqa kelgen qoılar shyn muqtaj adamdarǵa berilý úshin arnaıy tizim jasap, sol tizim arqyly tarattyq. Zeketti jasyryn da, jarııa etip te berýge bolady. Búgin jarııa qylyp berip jatqandaǵy maqsatymyz - osyny kórgen basqa da azamattar úlgi alyp, zeketterin taratsyn degen oı. Osy arqyly ıslam dininiń qundylyqtary jaıylady, el ishine bereke kiredi», - deıdi Qaratal aýdanynyń bas ımamy Erik Amankeldiuly.
Meshit ımamdary bes paryzdyń biri - zeket berý árbir aýqatty musylmanǵa paryz ekenin el ishinde nasıhattap júr. Igi isti damytý maqsatynda zeket qory da qurylǵan. Oǵan Qaratal aýdanynyń bas ımamy Erik Amankeldiuly birneshe adamdy alqa múshesi etip taǵaıyndaǵan.