#Jaqsylyq jasa: Meıirimdiler klýby naýqas balalardyń armanyn 15 mınýt ishinde oryndap júr

ALMATY. QazAqparat - Almatydaǵy meıirimdiler klýby 3 jylda aýqymdy qaıyrymdylyq sharalaryn júzege asyrǵan, dep habarlaıdy QazAqparat. Mundaı aktsııalardyń biri «Sıqyrshy» dep atalady.

«Eriktiler naýqas balalardyń qalyń bilýge baryp arman-tilekterin tyńdaıdy. Sosyn balanyń armany týraly jazba jarııalanady. Al jeli qoldanýshylary nebári 10-15 mınýt ishinde suraǵan nársesin alyp beredi. Bul ǵajaıyp nárse desek te bolady», - dedi «Almaty meıirimdiler klýbynyń» jetekshisi Mádına Myrzahmetova.

3 jylda meıirimdiler klýby birqatar qaıyrymdylyq sharalaryn ótkizgen. Almatyda belsendi 70 erikti bar. Olardyń mamandyǵy, qoǵamdyq mártebesi ártúrli.

«Aıyna bir ret muqtaj otbasylarǵa azyq-túlik, zattar aparamyz. Bizde áleýmettik turǵydan az qamtylǵan otbasylardyń tizimi bar. Eriktiler toby jınalǵan qarajatqa azyq-túlik, zat satyp alyp barlyq otbasyǵa taratady», - dedi Mádına Myrzahmetova

Sonymen qatar, klýb músheleri juma kúni saıyn tegin nan taratady. Ár apta saıyn aktsııaǵa qosylatyn dúkender sany artpasa, kemimeıdi.

Odan bólek mereke kúnderi men demalys kúnderi eriktiler shalǵaıda ornalasqan balalar úıinde jumys jasaıdy.

Balalar qalanyń kórikti jerlerine, oıyn-saýyq ortalyqtarynda ýaqyt ótkizedi.

Tamyz sońynda otbasylardyń patronajynda tárbıelenip otyrǵan balalar mektep quraldarymen qamtylady. 2018 jyly 700 asa balaǵa kómek berildi.

Sondaı-aq klýb eriktileri aktsııalardan jınalǵan qarajatty ıesiz janýarlardy qorǵaý uıymdaryna aýdarady.

«Júrekti tolqytatyn oqıǵalar kóp. Kúnde bir muqtaj adamnyń qajetine jaraımyz. Alǵysyn alamyz. Eger Qazaqstanda osyndaı adamdar kóp bolsa, balalar baqytty bolar edi, qartaıǵanda qarııalar jalǵyz qalmas edi»,- dedi Mádına Myrzahmetova.