Tımýr Jaqsylyqov Dúnıejúzilik bank málimdemesine jaýap berdi

<p>ASTANA. KAZINFORM &ndash; Ulttyq ekonomıka vıtse-mınıstri Tımýr Jaqsylyqov Dúnıejúzilik banktiń zertteý nátıjelerine oraı pikir bildirdi. Atalǵan zertteýde &laquo;2012 jyldan 2022 jylǵa deıingi onjyldyq Qazaqstannyń búkil ekonomıkasy úshin joǵaldy&raquo; dep sanalatyny aıtylǵan.</p>

«Joǵalǵan onjyldyq degen syndy mundaı tebirenisti málimdemelerge qatysty baǵa bere almaımyn. Bul óte shekten tys baǵalaý dep sanaımyn. Ózderińiz de bilesizder, atalǵan onjyldyq boıy ekonomıkalyq ósim, barynsha qarqyndy ekonomıkalyq ósim bolyp, pandemııaǵa baılanysty bir ret qana úzilip qaldy. Ótken jyly 5,1 paıyzdyq ekonomıkalyq ósim qarqynyna qol jetkizdik. Bul – ekonomıkalyq ósimniń óte joǵary qarqyny», - dedi Tımýr Jaqsylyqov Senatta uıymdastyrylǵan brıfıngide.

Ol bıyl shamamen 6 paıyzdyq ósimge qol jetkizý maqsaty turǵanyn basa aıtty.

«Shynymen de, Dúnıejúzilik bank baǵalaýy bizdegi negizgi qorlarǵa ınvestıtsııanyń quldyraýyna qatysty ádil boldy. Ekonomıkalyq damýǵa jetkiliksiz ınvestıtsııa salyp otyrmyz. Jalpy ınvestıtsııa – bul turaqty ekonomıkalyq ósim úshin jalǵyz baza. Bizdi jetkiliksiz ınvestıtsııaladyq. Búginde JÓІ negizgi kapıtalyndaǵy ınvestıııa shamamen 15 paıyz», - dedi vıtse-mınıstr.

Tımýr Jaqsylyqov mundaı kólemniń jetkiliksiz ekenin atap ótti.

«Sondyqtan da jumys isteý qajet jáne Úkimet mundaı jumysty istep te jatyr. Qazirgi ýaqytta ınvestıtsııa ósimin qandaı da bir turaqty ári barynsha joǵarǵy deńgeıge jetkizý úshin is-qımyl jospary ázirlenip jatyr», - ol.