«Jaqsylyq shyrshasy»: elordanyń kishkentaı turǵyndary baǵaly syılyqtarǵa ıe boldy

<p>Bıyl &laquo;Tilekter shyrshasy&raquo; aktsııasynyń aıasynda elimizdiń túpkir-túpkirinen Qazaqstan Prezıdentiniń atyna óte kóp hat kelip tústi, dep habarlaıdy <a href="Kazinform." target="_blank" rel="noopener">Kazinform</a> Astana ákimdiginiń resmı saıtyna silteme jasap.&nbsp;</p>

Aktsııanyń negizgi maqsaty — balalardy qoldap, olarǵa qýanysh syılaý. 

Astanada osy is-shara sheńberinde «Jaqsylyq shyrshasy» qaıyrymdylyq aktsııasy dástúrli túrde ótkiziledi. Qazaqstan Prezıdentiniń atynan balalarǵa berilgen syılyqtardy Astana qalalyq bilim basqarmasynyń basshysy Qasymhan Senǵazyev pen qalalyq ishki saıasat basqarmasynyń basshysy Nurdáýlet Álmuhanov tabystady. 

Osylaısha búgin elordanyń bes kishkentaı turǵynynyń armany oryndaldy. Bul balalar az qamtylǵan jáne ómirlik qıyn jaǵdaıǵa tap bolǵan otbasylardan shyqqan, ata-ana qamqorlyǵynsyz qalǵan, sonymen qatar erekshe jáne onkologııalyq dertke shaldyqqan balalar.
Balalarǵa velosıped, «Alısa» aqyldy kolonkasy, velojol, manıkıýr jıyntyǵy, sporttyq kostıým, parta men oryndyq syıǵa berildi. 

«Prezıdent syılyǵyna zor alǵysymdy bildirgim keledi. Barlyq balanyń asyl armany oryndalsyn!», - deıdi Memleket basshysynan syılyq alǵan, 15 jastaǵy Mılana Pankova.

Astanadaǵy qaıyrymdylyq aktsııasyna memlekettik organdardyń qyzmetkerleri, elorda máslıhatynyń depýtattary, belgili sportshylar, mádenıet pen óner qaıratkerleri qatysyp, balalardy syılyqtarymen qýantty.