«Jaqynyńa járdem ber»: almatylyqtarǵa ardagerler men qarttarǵa qamqorlyq jasaý usynyldy

<p>ALMATY. KAZINFORM &ndash;&nbsp; &laquo;Almaty &ndash; bizdiń ortaq úıimiz&raquo; naýqanyna qatysýǵa jáne qalany kórkeıtýge úles qosýǵa nıet bildirgen turǵyndardan ótinishtiń kóp bolýyna baılanysty Almaty qalasynyń Jumyspen qamtý jáne áleýmettik baǵdarlamalar basqarmasy &laquo;Jaqynyńa járdem ber&raquo; aktsııasyn ótkizý týraly habarlady.</p>

Bastama UOS ardagerleri, qarttar men múmkindigi shekteýli jandar turatyn jeke turǵyn úılerdiń qorshaýy men úı mańyndaǵy aýmaqtyń estetıkalyq kútimin jaqsartýǵa baǵyttalǵan. 

Foto: Almaty ákimdigi

Bul aýmaqtarda qorshaýdy, qaqpany syrlaý, irgeles aýmaqty qoqystan tazartý jáne osy sııaqty t.b. jumystar júrgizý qajet.

Іs-sharaǵa qalanyń barlyq turǵyny qatysa alady. Qatysýshylarǵa óteýsiz negizde qorshaýdy, qaqpany syrlaýǵa arnalǵan boıaýlar men eritkishter beriledi (bir adamǵa 2 kelige deıin boıaý beriledi). 

Foto: Almaty ákimdigi

Ol úshin aýdandyq abattandyrý bóliminiń jaýapty tulǵalaryna júginý qajet. Naýqanǵa qatysý úshin aldyn ala tirkelýdiń qajeti joq.

Naýryzbaı aýdanynyń oqýshylary «Almaty – bizdiń ortaq úıimiz» naýqany aıasynda múgedektigi bar adamdar men jalǵyzbasty zeınetkerlerge úılerdiń aýmaǵyn tazalaýǵa kómektesti. Sonymen qatar olar óz kúshimen qorshaýdy qalpyna keltirýge, qaqpany boıaýǵa, baqtar men aýlalardy tazartýǵa kómektesti. 

Foto: Almaty ákimdigi

Boıaý alýǵa bolatyn mekenjaılar men baılanys nómirleri. Sondaı-aq osy nómirler arqyly kómekke muqtaj adamdardyń tizimin naqtylaýǵa bolady

1. Alataý aýdany: Veselov kóshesi, 18 «A» (Talǵat [phone])

2. Almaly aýdany: Tóle bı kóshesi, 67 (Nurdáýlet [phone])

3. Áýezov aýdany: Mamyr-1 sh/a., 26/1 (Baýyrjan [phone])

4. Bostandyq aýdany: Tájibaev kóshesi, 155 "A" (Lıdııa [phone])

5. Jetisý aýdany: Tıhov kóshesi, 87 «A» (Nurbergen [phone])

6. Medeý aýdany: Pýshkın kóshesi, 72 (Abylaı [phone])

7. Naýryzbaı aýdany: Baısultanov kóshesi, (Ońalbek [phone])

8. Túrksib aýdany: Sholohov kóshesi, 9 (Bolat [phone]).

Esterińizge sala keteıik, 8 sáýirde «Almaty – bizdiń ortaq úıimiz» naýqany bastaldy. Árbir turǵyn qalany damytý men kórkeıtýge úles qosa alady.

Tolyq aqparat almaty.kz saıty men Almaty ákimdiginiń áleýmettik jelilerindegi paraqshalarynda jarııalanady. Sondaı-aq, qaladaǵy banner, plakat jáne afıshalardaǵy arnaıy QR-kod arqyly veb-saıtqa kirýge bolady.

Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObşııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.