Jaqyndarymyzdyń amandyǵyn tilep otyrmyz - ferroqorytpa zaýytynda zardap shekkenderdiń týystary
Qazirgi ýaqytta YDD Corporation ferroqorytpa zaýytynda arnaıy komıssııa tekseris júrgizip jatyr, onyń quramyna barlyq ýákiletti organdardyń ókilderi endi.
Belgili bolǵandaı, bul zaýytty ótken jy jáne bıyl eńbek ınspektsııasynyń ókilderi teksergen. Monıtorıng nátıjeleri boıynsha buzýshylyqtar anyqtaldy.
«QR Kásipkerlik kodeksine sáıkes ótken jyly baqylaý jáne qadaǵalaý sýbektisine (obektisine) baryp 1 profılaktıkalyq baqylaý júrgizildi. Onyń nátıjeleri boıynsha jumys berýshige eńbek zańnamasynyń anyqtalǵan buzýshylyqtaryn joıý týraly nusqama berildi. Jumys berýshi anyqtalǵan buzýshylyqtardy tolyǵymen joıdy.
Aǵymdaǵy jyly osy uıymnyń qyzmetkerlerinen ujymdyq ótinish negizinde jospardan tys tekserý júrgizildi. Jospardan tys tekserý nátıjeleri boıynsha jumys berýshige 15.09.2024 jylǵa deıin joıý merzimimen eńbek zańnamasynyń anyqtalǵan buzýshylyqtaryn joıý týraly nusqama berildi. Jumys berýshi eńbek zańnamasynyń anyqtalǵan normalaryn oryndaý boıynsha is-sharalar josparyn jasady. Osy nusqamanyń oryndalýy memlekettik eńbek ınspektorynyń baqylaýynda», — dep habarlady Qaraǵandy oblysynyń eńbek ınspektsııasy basqarmasy.
Vedomstvo qandaı buzýshylyqtar anyqtalǵanyn naqtylamady. Alaıda, zardap shekkenderdiń týystary kásiporynda qaýipsizdik erejelerin saqtaý boıynsha óreskel buzýshylyqtar bar deıdi.
«Meniń inim qazir aýrýhanada jatyr. Onyń beti men qolyn qatty kúıik shalǵan. Men olardyń qorǵanys kostıýmderi qaıda bolǵanyn túsinbeımin? Nelikten bulaı boldy? Biraq qazir biz tek olardyń aman qalýyn tileımizi», — deıdi zardap shekkenderdiń biriniń ápkesi.
Osydan eki jyl buryn Suńǵat Tontaev ta osyndaı jaǵdaıdy bastan keshken. Zaýyttaǵy dál sol peshten jalyn shyǵyp, ol kúıip qalqan. Alaıda, ol áli kúnge deıin kompanııamen sottasyp jatyr.
«Biz JK atynan jumys istegen edik. Zaýyttyń JK-men kelisim-sharty bolmaǵan. Men ol jerde kúıip qalǵanymdy uzaq ýaqyt dáleldeı almadym. Jaqynda Joǵarǵy sotta qaralǵan iste jeńip aldym. Men sol jerde jaraqat alǵanymdy dáleldedim. Endi talapty jalǵastyryp, materıaldyq ótemaqy talap etemin», — deıdi Suńǵat Tontaev.
Onyń aıtýynsha, mundaı jaǵdaı osyǵan deıin de bolǵan. Alaıda bul jaǵdaılardyń barlyǵy jasyrylyp keldi.
«Zaýytta bul pesh úshinshi qabatta, jabyq keńistikte ornalasqan. Tótenshe jaǵdaıda qashatyn jer joq», — deıdi Suńǵat Tontaev.
Qazir ol jumys istemeıdi, oǵan ІІ toptaǵy múgedektik berilgen. Sonymen birge Koreıada 100 mln teńgege ota jasatý qajet. Sondyqtan er adam kompanııamen sońyna deıin sottaspaq.
Esterińizge sala keteıik, 20 shildede Qaraǵandyda ferroqorytpa zaýytynyń peshinde kenetten jalyn shyqty. TJ saldarynan kásiporynnyń 8 qyzmetkeri zardap shekti. Olar professor H.J.Maqajanov atyndaǵy kópsalaly aýrýhanada jatyr. QR Densaýlyq saqtaý mınıstrliginiń tapsyrmasy boıynsha qosymsha medıtsınalyq kómek kórsetý úshin Qaraǵandyǵa akademık N.D.Bátpenov atyndaǵy Ulttyq travmatologııa jáne ortopedııa ǵylymı ortalyǵynyń dırektory Oljas Bekarysov bastaǵan qyzmetkerler toby keldi.
Zardap shekken 6 adamnyń jaǵdaıy óte aýyr. Taǵy 2 naýqas reanımatsııa bóliminde.
Naýqastardyń densaýlyǵy men ómiri úshin kúres jalǵasýda, barlyq qajetti medıtsınalyq kómek kórsetiledi.