Jaqynda kommýnaldyq júıeni jańǵyrtý baǵdarlamasy qabyldanady

<p>ASTANA. KAZINFORM &ndash; Búgin Senattyń jalpy otyrysynda Premer-mınıstrdiń orynbasary &ndash; Ulttyq ekonomıka mınıstri Nurlan Baıbazarov keler jyly elimizde valıýta baǵamyn turaqtandyrýǵa ne áser etetinin aıtty.</p>

«Úkimet tarapynan eń basty maqsatymyz – kelesi jylǵa birqatar iri jobany júzege asyrý. Onyń ishinde ınfraqurylymdyq, óndirýshi, ónerkásip baǵytynda jalpy 17 jobany iske asyrýdy bastap kettik. Ulttyq ınfraqurylymdyq jobany qabyldadyq. Jaqynda kommýnaldyq júıeni jańǵyrtý baǵdarlamasy qabyldanady. Onyń syrtynda bıyl kóp sheteldik qarjy uıymdarymen naqty kelisimderge otyrdyq. Sonyń arqasynda biz 2025 jyly elimizge shetel valıýtasynda ınvestıtsııany tartý kólemin kúrt kóbeıedi dep eseptep otyrmyz. Bul turǵyda osy valıýtanyń bári ishki naryq arqyly ótedi, sol arqyly jańa jobalardy qarjylandyramyz, - dedi N.Baıbazarov.

Onyń aıtýynsha, qazir bıýdjettiń damý baǵytyndaǵy bıýdjeti bar bolǵany 2 trln teńge boldy.

«Onyń úshten bir bóligin aýyl sharýashylyǵyna jibereıin dep otyrmyz. Sondyqtan bizdiń bul jerde shetelden keletin valıýtalyq ınvestıtsııalarǵa nazar aýdaryp jatyrmyz. Sol arqyly biz óz tarapymyzdan osy jumysty tıisti deńgeıde júrgizip, keletin sheteldik ınvestıtsııa bizdiń ishki valıýta naryǵy arqyly ótedi. Osylaısha, biz naryqtaǵy valıýtanyń usynys kólemin kóbeıtýge atsalysamyz. Bizdiń basty maqsatymyz osy», - dedi Premer-mınıstrdiń orynbasary.

Budan buryn habarlanǵandaı, QR Premer-Mınıstriniń orynbasary – Ulttyq ekonomıka mınıstri Nurlan Baıbazarov 2024 jyly Ulttyq qordyń taza valıýtalyq aktıvteri qaı deńgeıge jetetinin aıtty.