Jaqynda Qazaqstannan álem elderine ashylatyn jańa áýe reısteri anyqtaldy

<p>ASTANA. KAZINFORM &ndash; QR Kólik mınıstrligi jaqyn arada qaı baǵyttarda halyqaralyq jańa avıareıster ashylatynyn málim etti.</p>

«Bıylǵy qyrkúıek aıynan bastap «Eır Astana» áýekompanııasy A-320 tıpti ushaǵymen «Shymkent-Djıdda» baǵyty boıynsha aptasyna 2 ret (seısenbi, juma) jıilikpen tikeleı reısterdi iske qosýdy josparlap otyr. Sonymen qatar, 1 qarashadan bastap «SCAT» áýekompanııasy «Shymkent – Sıan» baǵytynda reısterdi bastaıdy», - delingen mınıstrliktiń Kazinform agenttigine bergen jaýabynda.

Budan basqa, 2024 jylǵy jeltoqsannan bastap «Eır Astana» áýekompanııasy «Almaty – Kýala-Lýmpýr» baǵyty boıynsha aptasyna 3 reıs jıiligimen Malaızııaǵa tikeleı jolaýshylar reısterin qaıta bastaý máselesin qarastyryp jatyr.

«Sondaı-aq, orta merzimdi perspektıvada Tokıo men Nıý-Iork qalalaryna reısterdi iske qosý josparlanǵan», - dep naqtylady vedomstvo.