Jaqyn arada buıryq keledi – Izraıl qorǵanys mınıstri

<p>Izraıl Qorǵanys mınıstri áskerılerge Gazadaǵy qurlyq operatsııasy týraly buıryq jaqyn arada keletinin aıtty. Ol buǵan deıin birneshe ret, sonyń ishinde AQSh-tyń qysymymen keıinge qaldyryldy, dep habarlaıdy <a href="Kazinform" target="_blank" rel="noopener">Kazinform</a> <a href="https://ru.euronews.com/2023/10/20/gaza-israel-update" target="_blank" rel="noopener">Euronews</a>-ke silteme jasap.&nbsp;</p>

Gaza sektorymen shekarada ornalasqan Izraıl áskerı kúshteri jaqyn arada onyń aýmaǵynda bolady. Bul týraly evreı memleketiniń Qorǵanys mınıstri Ioav Galant málim etti. 

– Sender qazir Gazany alystan kórip tursyńdar, kóp uzamaı ony ishinen kóretin bolasyńdar. Jaqyn arada buıryq keledi», - dedi ol. 

Eldiń Ulttyq qaýipsizdik keńesine kiretin Ekonomıka mınıstri Nır Barakattyń aıtýynsha, úkimet áskerge HAMAS-ty joıýǵa buıryq bergen.

Baqylaýshylar Gazada qurlyq operatsııasyn bastaý týraly sheshimniń birneshe ret keıinge shegerilgenin, onyń ishinde palestınalyqtardyń gýmanıtarlyq máselelerin retteýdi talap etken AQSh-tyń qysymymen keıinge qaldyrylǵanyn atap ótti.

– Men Izraılde aıtqanymdaı, qanshalyqty qıyn bolsa da, biz eki memleket týraly sheshimnen bas tarta almaımyz. Izraıl men Palestınanyń ekeýi de qaýipsizdikte jáne beıbitshilikte ómir súrýge birdeı laıyq, - dedi AQSh prezıdenti Djo Baıden. 

AQSh prezıdenti Izraılge sapary kezinde el bıligin «ashýdan kórsoqyr bolyp qalmaýǵa» shaqyrǵanyn aıtty. Sonymen birge Djo Baıden Amerıka árqashan Izraıl jaǵynda bolady dep sendirdi.