Jahandyq spýtnıktik operator Qazaqstandaǵy aýyldardy ınternetpen qamtamasyz etpek
«Biz ǵarysh ındýstrııasymen aınalysyp kelemiz jáne bul sala mańyzdy baǵyttardyń biri. Indýstrııada KazSat-pen jáne basqa da seriktestermen birge ózekti sanalatyn salany ıgerip kelemiz. Sondyqtan óte baǵaly tehnıkalyq tájirıbeni zerdelep jatyrmyz», - dedi Stıv Kollar Digital Bridge halyqaralyq tehnologııalyq forýmynda.
Sonymen qatar ol ınternetpen qamtamasyz etý boıynsha qazaqstandyq tarappen birlesken jumys josparlaryna toqtaldy.
«Forým barysynda 600 aýyl (Qazaqstanda) ınternetpen tıisti deńgeıde qamtylmaǵany aıtyldy. Biz osy oraıda bul baǵyttaǵy jumysttardy retteı alamyz. Ǵaryshtyń múmkindigin paıdala otyryp, kez kelgen kontıngentti ári eldi mekendi qamtýǵa bolady. Qazaqstanda osy jumystardy qalaı iske asyramyz? Ony jergilikti kompanııalarmen seriktestik arqyly júrgizemiz. Biz sońǵy býyndaǵy tıisti spýtnıkterdi paıdalanbaqpyz», - dedi S. Kollar.
«KazSat kompanııasymen ornatqan seriktestik úshin alǵys bildirgim keledi. Bizdiń tapsyrys berýshiler qandaı da bir tehnologııalarmen shektelmegen. Sondyqtan biz tetikterdi tańdaý kezinde ıkemdi qadamdardy iske asyra alamyz», - dedi ol.
Budan buryn habarlanǵandaı, atalǵan forýmda Qazaqstanda 600-den astam aýyl zamanaýı telekommýnıkatsııalyq tehnologııalarmen qamtylmaǵany aıtyldy.
Sondyqtan spýtnıktik baılanys sheshimderi osy aýyldardyń aýmaǵyn qamtýǵa múmkindik beredi.