Jahandyq kólik-tranzıt dálizderin qalyptastyrýǵa jańa kózqaras qajet - QR Prezıdenti

ASTANA. QazAqparat – Ózara turaqty baılanys jónindegi AÓSShK Keńesin qurý der kezinde qabyldanǵan sheshim dep sanaımyn. Bul týraly Astanadaǵy Azııadaǵy ózara is-qımyl jáne senim sharalary keńesiniń sammıtinde Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Qazaqstannyń aldaǵy ekijyldyq tóraǵalyǵy kezinde ózine mańyzdy mindetter alyp otyr jáne Keńeske múshe memleketterdiń tyǵyz yntymaqtastyǵy men qoldaýyna senim artady. Birinshiden, ekonomıkalyq ólshem. Ózara turaqty baılanys jónindegi AÓSShK Keńesin qurý der kezinde qabyldanǵan sheshim dep sanaımyn. Jahandyq logıstıkalyq tizbekterdiń úzilýi tıimdi kólik-tranzıt dálizderin qalyptastyrýǵa jańa kózqaraspen qaraýdy talap etedi», - dedi Qasym-Jomart Toqaev.

Osy oraıda Prezıdent júk tasymalynyń ońtaıly ári qoljetimdi joldary ekonomıkamyzdyń turaqty ósiminiń mańyzdy faktory bolyp otyrǵanyn atap ótti.

«Kommýnıkatsııa men júkterdi jetkizýdiń ártaraptandyrylǵan baǵyttaryn pysyqtaý arqyly kólik-tranzıt áleýetin júzege asyrýǵa mán berý mańyzdy», - dedi Memleket basshysy.

Foto:asiaplustj.info