Jahandyq qarjy júıesindegi birqatar reformalar aıaqsyz qaldy - Makedonııa Premer-mınıstri
Búgin VI Astana ekonomıkalyq forýmynyń plenarlyq májilisinde sóz sóılegen Makedonııa Respýblıkasynyń Premer-mınıstri Nıkola Grýevskı osylaı aıtty.
Onyń aıtýynsha, sońǵy bes jyldyń ishinde Azııa elderi álemdik ekonomıka ósiminiń úshten eki bóligin qamtamasyz etip keledi.
«Onyń ishinde Qazaqstan da bar. Jahandyq ekonomıkalyq turaqsyzdyqqa qaramastan, bul memlekettiń ekonomıkasy qarqyndy damýda. Deıturǵanmen, álem ekonomıkasy qalpyna kelip jatsa da, belgili bir qaýip-qaterler bar. Ásirese, jahandyq qarjy júıesiniń turaqsyzdyǵyna qatysty máseleler óz sheshimin tappaı jatyr. Bank balanstaryn «jóndeý» jumystary áli de aıaqtalǵan joq. Osynyń saldarynan birqatar memleketter qıyn jaǵdaıǵa tap bolyp otyr. Sondaı-aq jahandyq qarjy júıesindegi biraz reformalar aıaqsyz qaldy. Osynyń barlyǵy da qarjynyń durys rettelmeýine sebep bolýda», - dep atap kórsetti N.Grýevskı.