Jahandyq ekonomıkalyq ósim baıaýlaıdy – HVQ

NЬıÝ-IORK. SINHÝA. QazAqparat – Jahandyq ekonomıka ósimi 2022 jyly 3,5% bolǵan. Halyqaralyq valıýta qorynyń boljamyna sáıkes, 2023 jáne 2024 jyldary bul kórsetkish 3%-ǵa deıin tómendeıdi, dep habarlaıdy QazAqparat Sınhýa agenttigine silteme jasap.

«2023 jylǵa arnalǵan boljam sáýir aıyndaǵy «Álemdik ekonomıkanyń damý perspektıvalary» esebinde boljanǵannan birshama joǵary bolǵanymen, tarıhı standarttar boıynsha tómen bolyp qala beredi. Inflıatsııamen kúresý úshin ortalyq bankterdiń paıyzdyq mólsherlemesiniń ósýi ekonomıkalyq belsendilikke áser etip jatyr», - delingen qujatta.

Jahandyq ınflıatsııanyń jalpy deńgeıi 2022 jylǵy 8,7-den 2023 jyly 6,8%-ǵa deıin tómendeıdi dep boljanyp otyr. Al 2024 jyly ol 5,2% bolady.

Boljamǵa sáıkes, ekonomıkasy damyǵan elderdiń 93 paıyzynda 2023 jyly ósim tómen bolady. Al 2024 jyly bul kórsetkish 1,4 paıyz deńgeıinde qalady. AQSh-ta ekonomıkalyq ósý 2022 jylǵy 2,1%-den 2023 jyly 1,8%-ǵa deıin baıaýlaıdy dep boljanǵan. 2024 jyly bul kórsetkish 1%-ǵa deıin tómendeıdi.

Naryǵy qalyptasqan, ekonomıkasy damýshy elderdegi ósim 2022 jyly 3,1% bolsa, bıyl jáne kelesi jyly 4,1%-ǵa jetedi degen boljam bar.