Jaǵdaı turaqtandy, degenmen áli aýyzdyqtalmaǵan órt oshaqtary bar – TJM

ASTANA. QazAqparat – Tótenshe jaǵdaılar mınıstrligi órtke qarsy qyzmet komıtetiniń tóraǵasy Nurbolat Derbisov Jibek Joly telearnasyna arnaıy suhbat berip, Semeıdegi orman órtine qatysty sońǵy málimetti bólisti, dep habarlaıdy QazAqparat tilshisi.

«Jaǵdaı turaqty, degenmen kún bulttanyp, jel soǵyp tur. Barlyq tehnıka men kúsh-quraldar órtpen kúreske jumyldyrylǵan. Qazir 10 tikushaq jumys istep jatyr. Іshki ister mınıstrligi jáne Qorǵanys mınıstrliginen kómekke qosymsha kúsh tartyldy. Órt jaǵdaıy turaqtandy desek bolady, degenmen sóndirý kerek órt oshaqtary bar. Ormandaǵy órt joǵary jaqtaǵy jáne tómen jaqtaǵy bolyp bólinedi. Qazir joǵary jaqta órt tyıyldy, al tómengi jaqta jalyn áli kúshinde. Jalpy jaǵdaıdy áýeden baqylaý monıtorıngi jalyn sharpyǵan aýmaqtar azaıǵanyn kórsetip otyr», - dedi Nurbolat Derbisov Jibek Joly telearnasyna bergen suhbatynda.

Aıta keteıik, Úkimette QR Premer-Mınıstri Álıhan Smaıylovtyń tóraǵalyǵymen ótken keńeste Abaı oblysyndaǵy iri tabıǵı órtti joıý sharalary talqy órttiń aýmaǵy 60 myń gektardan asyp ketti, jalyn úsh baǵytta tarap jatqany aıtyldy.

Sonymen qatar mamandar aptap ystyq pen jel Abaı oblysyndaǵy órtti sóndirýge kedergi jasap jatqanyn málimdegen edi.