Jaǵdaı baqylaýymyzda – Ekologııa vıtse-mınıstri Mańǵystaýdaǵy ıtbalyqtardyń qyrylýy jaıynda

<p>ASTANA. KAZINFORM &ndash; Mańǵystaýdaǵy ıtbalyqtardyń qyrylýyna qatysty aqparat naqtylandy jáne jaǵdaıdyń tolyq baqylaýǵa alynǵany belgili boldy. Bul týraly QR Ekologııa jáne tabıǵı resýrstar vıtse-mınıstri Jomart Álıev OKQ-da ótken baspasóz máslıhatynda aıtty.&nbsp;</p>

«Mańǵystaýdaǵy ıtbalyqtardyń qyrylýyna qatysty aqparat naqtylandy. Óńirlik komıssııa quryldy. Onyń quramyna Mańǵystaý oblysy boıynsha Ekologııa departamentiniń ókilderi de kirdi. Qazirgi tańda osy departament qyzmetkerleri, atap aıtqanda zerthanalyq-saraptamalyq baqylaý qyzmetkerleri sýdan synama aldy. Bul komıssııa quramynda taǵy da Veterınarlyq ınspektsııa, Balyq sharýashylyǵy komıtetiniń ókilderi bar. ıAǵnı, bul másele keshendi túrde zerttelip jatyr. Alynǵan synamalar nátıjesi belgili bolǵanda, jalpy baǵa beriletin bolady. Qazir biz sol zerthanalyq zertteý jumystarynyń nátıjesin kútip otyrmyz», - dedi vıtse-mınıstr BAQ ókiliniń ıtbalyqtardyń qyrylýyna qatysty saýalyna bergen jaýabynda. 

Mańǵystaýda ıtbalyqtar qyrylyp jatyr. 28 qazanda Aýyl sharýashylyǵy mınıstrligi Kaspıı teńiziniń jaǵalaýynan 100-den asa ıtbalyqtyń óleksesi tabylǵanyn habarlaǵan edi. 

Kóp ótpeı bul san 300-ge jýyqtady. 

Janýarlardyń bulaısha qyrylýynyń sebebi ázirge belgisiz, negizi ıtbalyqtar 24 qazannan beri óle bastaǵan.