Jaǵalaý kúzeti Pýsandaǵy kemeden quny 93,94 mln dollar bolatyn kokaın tárkiledi

PÝSAN. YONHAP-QazAqparat – Ońtústiktegi Pýsan portty qalasynda jaǵalaý kúzeti konteıner tasýshydan 35 keli kokaın tárkiledi, dep habarlaıdy QazAqparat YONHAP agenttigine silteme jasap.

Bılik ókilderiniń málimdemesi boıynsha, esirtkiniń quny 105 mıllıard von (93,94 mıllıon AQSh dollary) jáne ony bir ýaqytta 1 mıllıon adam qabyldaı alady.

Paketter Lıberııa jalaýy bar, 15 jeltoqsanda Kolýmbııadan shyǵyp, Pýsannyń jańa jaǵalaýyna 19 qańtarda jetken kemeden tabyldy. Al konvertterde kolýmbııalyq narkokartelder paıdalanatyn shaıan beınelengen logotıp bolǵan.

Bılik ókilderi sý syıymdylyǵy 140 000 tonna kemede úlken kólemde kokaın jasyrylǵan degen aqparattan keıin onyń izine túsken. Ońtústik Amerıka elinen keletin turaqty laıner AQSh, Panama kanaly, Ońtústik Koreıa jáne Qytaı arqyly ótedi.

Keme ekıpajy quramynda Grekııa, Reseı jáne Ýkraına azamattary bolǵan. Jaǵalaý kúzetiniń málimdemesi boıynsha, esirtkiler kemege qalaı tıeldi jáne olardyń qatysy bar-joǵy tekserilip jatyr.