JADYNAMA: Kúdikti adamdy keziktirgen kezde qalaı áreket etý qajet

ASTANA. QazAqparat - QR Bas kólik prokýratýrasy kúdikti adam kezikken kezde qalaı áreket etý qajettigi jaıly halyqqa jadynama jarııalady.

Sońǵy ýaqyttarda álemde adam kóp jınalǵan jerlerge jarylǵysh zattar qoıý, jankeshti lańkesterdi paıdalaný arqyly terrorızm jasaý faktileri jıiledi, - delingen jadynamada.

Terrorızm aktisin josparlaý nemese daıyndaý týraly bildiretin keıbir belgilerdi este saqtaǵan jón:
Kúdikti adamnyń siz jumys isteıtin ǵımarat mańyna nemese úı aýlasyna birneshe ret kelýi, foto, vıdeo túsirilim jasaý, sondaı-aq bloknotqa jazba jasaý;

quqyq qorǵaý qyzmetkerlerimen kezdesip qalmaý áreketterin jasaý jáne beınebaqylaý kameralarynan jaltarý (basyn tómen túsirý, aınalyp ótý, betin jaýyp ótý);

tehnıkalyq qamtamasyz etýge qatysy joq adamdardyń ǵımarattardyń jertólelerine, sharbaqtaryna kirýi;
ákimshilik jáne turǵyn úı ǵımarattarynyń qyzmet kórsetýshi personalymen, kúzetshilermen beıtanys adamnyń negizsiz baınalysýy; olardan jumys rejimi, qaýipsizdikti qamtamasyz etý sharalary jáne t.b. týraly málimetterdi suraýy;

bógde adamdardyń qomaqty syıaqyǵa mańyzy az jumysty (paket, orama sálemdeme berý) isteýge ázir adamdardy izdeýi.

Kúdikti adamdardy keziktirgen kezde myna áreketterdi oryndaý qajet:

-ony ustaýǵa derbes áreket qabyldamaý;
-dereý ol jaıly quqyq qorǵaý organdaryna habarlaý;
-nazar aýdarmaı, adamdar sanyn, syrtqy kelbetin, kıimi men qolynda bar zatty, kólikteriniń markasy men nómiri, qozǵalys baǵytyn este saqtap qalý.
«Durys jáne jiti is-áreket qana óz ómirińizdi jáne qorshaǵan adamdardyń ómirin saqtap qalýǵa járdemdesetinin este saqtaý asa mańyzdy», delingen jadynamada.