Jabaıy ósimdik túrlerin paıdalanýshylar salyq tóleıdi
Salyq zańnamasyna engizilgen ózgeristerine sáıkes 2024 jylǵy 1 qańtardan bastap ormandy paıdalanǵany úshin tólemaqy jańa erejelermen tolyqtyrylyp, orman jáne ósimdikter resýrstaryn paıdalanǵany úshin tólemaqy bolyp qoldanysqa engiziledi (Salyq kodeksiniń 69-taraýynyń 6-paragrafy).
Máselen, eger qazirgi ýaqytta memlekettik orman qory jáne erekshe qorǵalatyn tabıǵı aýmaqtardyń (onyń ishinde dárilik ósimdikter, jabaıy jemister, jańǵaqtar, sańyraýqulaqtar, jıdekter) aýmaǵyndaǵy obektilerge ǵana salyq salynatyn bolsa, kelesi jyldan bastap salyq salý obektilerine osy aýmaqtan tys jerde jınalatyn ósimdikterdiń jabaıy túrleri de engizilgen.
Memlekettik orman qory aýmaqtarynan jáne erekshe qorǵalatyn tabıǵı aýmaqtardan tys jınalatyn farmatsevtıkalyq, azyq-túlik jáne tehnıkalyq qajettilikter úshin ósimdikterdiń jabaıy túrleri boıynsha tólemder ósimdik resýrstaryn paıdalanǵany úshin tólemaqy retinde qaralady jáne ósimdikterdiń jabaıy túrlerin daıyndaý (jınaý) kezinde alynady.
Oblystardyń, respýblıkalyq mańyzy bar qalalardyń jáne astananyń jergilikti ókildi organdary (máslıhattar) ósimdikterdiń túrlerin, ósimdikterdiń jabaıy túrlerin jınaýdyń bir kılogramy úshin tólemaqy mólsherlemelerin belgileıdi, sondaı-aq tólemaqy somasyn esepteıdi.
Ósimdikter dúnıesin arnaıy paıdalaný tártibimen ósimdik resýrstaryn paıdalaný quqyǵy jabaıy ósimdikterdi daıyndaý (jınaý) týraly tólemaqy tólengen jáne habarlama jiberilgen jaǵdaıda beriledi.
Ósimdikterdiń jabaıy túrlerin daıyndaýdy (jınaýdy) júzege asyratyn tulǵalar toqsan saıyn, esepti toqsannan keıingi aıdyń 20-kúninen keshiktirilmeıtin merzimde jyldyq tólemaqy somasynan teń úlestermen ósimdikterdi daıyndap, jınaǵan orny boıynsha bıýdjetke tólemaqy tóleıdi.
Tólemaqy boıynsha salyq eseptiligi usynylmaıdy.