Jahandyq energetıkalyq daǵdarysty jeńildetýge úles qosýǵa daıynbyz - Prezıdent

<p>Qazaqstan Prezıdenti Qasym-Jomart Toqaev Berlin Global Dialogue forýmynda sóılegen sózinde elimizdiń jahandyq energetıkalyq daǵdarysty jeńildetýge úles qosýǵa daıyn ekenin málimdedi, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

«Eýrazııadaǵy ekinshi iri munaı qoryna ıe Qazaqstan álemdik naryqtarǵa energetıkalyq resýrstardyń iri jetkizýshisi sanalady. Bizdiń munaı eksportynyń 70 paıyzy Eýropa Odaǵyna shyǵarylatynyn eskere otyryp, eksporttyq áleýetimizdi keńeıtýge jáne jahandyq energetıkalyq daǵdarysty jeńildetýge úles qosýǵa daıynbyz», - dedi Memleket basshysy.

Sonymen qatar ol byltyr Qazaqstan eksporty 40 paıyzǵa jýyq óskenin atap ótti.

"Bizdiń JІÓ-niń edáýir bóligi áli de energetıka sektoryna tıesili bolǵanymen, ekonomıkany ártaraptandyrýǵa kúsh salamyz. Avtomobıl qurastyrý, farmatsevtıka, metall óńdeý jáne mashına jasaý salalaryndaǵy ósimdi qamtamasyz ete otyryp, Qazaqstan bıznes jasaýǵa erekshe qolaıly orta qalyptastyrý arqyly shetelden keń kólemde ınvestıtsııa tartýdy jalǵastyryp otyr», - dedi Qasym-Jomart Toqaev.