J.Túımebaev Sozaq aýdanynda saparmen boldy
Aýdannyń tynys-tirshiligimen tanysý maqsatynda barǵan oblys ákimi eń aldymen ındýstrıaldy aımaqta ornalasqan eki iri kásiporynnyń jumysymen tanysty. Onda ákim ýran óndirýshi kásiporyndarǵa arnap metall bóshkeler shyǵaratyn «KO-S Star» zaýytynyń jumysymen tanysty. Zaýyt jylyna 50 myń dana metall bóshke shyǵarýǵa qaýqarly. 40 adamdy jumyspen qamtyp otyrǵan óndiris orny jyl basynan beri 18 myńǵa jýyq temir bóshke shyǵarǵan.
Munan soń, jumysshy top ıodtalǵan as tuzyn shyǵaratyn «Darhan-As» zaýytynda boldy. Jylyna 9 600 tonna ónim shyǵarýǵa qaýqarly zaýyt jyl basynan beri 2 500 tonna as tuzyn óndirdi. Jańadan ashylǵan kásiporyn aldaǵy ýaqytta óndiretin ónimniń kólemin arttyrýdy kózdep otyr. Qazirgi tańda 14 adamdy jumyspen qamtyp otyrǵan zaýyt ónimin oblys naryǵyna shyǵaryp otyr.
Atalmysh ındýstrıaldy aımaqtyń ınfraqurylym jumystary aıaqtalǵan. Indýstraldy aımaqqa óz ótinishterin bergen 5 joba engizilip, 4 joba júzege asyryldy. Sonymen qatar, aımaq basshysy aýdandaǵy, Sholaqqorǵan aýylynda «Óńirlerdi damytý - 2020» baǵdarlamasy aıasynda oblystyq bıýdjet esebinen salynyp jatqan arendalyq 50 turǵyn úıdiń qurylysyn aralap kórdi. 2015 jyly bastalǵan atalǵan turǵyn úıdiń qurylysy jeltoqsan aıynda aıaqtalyp, Táýelsizdiktiń 25 jyldyǵyna oraı paıdalanýǵa beriledi dep kútilýde. Qurylys jumystaryn merdiger mekeme «El Qurylys toby» JShS-i júrgizip otyr. Aıta ketý kerek, búginde Sozaq aýdanynda turǵyn úı kezeginde 454 adam tur.
Sapar barysynda oblys ákimi J. Túımebaev Sozaq aýdandyq múgedekter qoǵamdyq birlestiginiń janynan ashylǵan tigin tsehynyń jumysymen tanysty. Sozaq aýdandyq múgedekter qoǵamdyq birlestiginiń janynan ashylǵan tigin tsehynda qazirgi tańda múmkindigi shekteýli 15 adam jumyspen qamtylǵan. Munda qolǵap, tósek jaımalary men arnaıy jumys kıimderi tigiledi. Sondaı-aq, aýdan halqyna shashtaraz ben aıaq kıim jóndeý qyzmetteri kórsetiledi. Qazirgi tańda 12 tigin mashına, 1 qolǵap tseh jumys istep tur. Aldaǵy ýaqytta jumyspen qamtylatyn múgedek jandaryń sany 25- 30 adamǵa deıin jetip, qosymsha, kompıýter jóndeıtin, plastık tereze shyǵaratyn qyzmet kórsetý túrleri de iske qosylady dep kútilýde. Múmkindigi shekteýli jandarǵa arnalǵan kópsalaly tsehta tigilgen kıimderdi, Qazatomprom AQ-na qarasty ýran óndiretin kompanııalar, aýdan halqy jáne bıýdjettik mekemeler tutynatyn bolady.
Aıta ketý kerek aýdan boıynsha 2085 múmkindigi shekteýli azamat bar. Sozaq aýdanyna jasaǵan sapary barysynda oblys ákimi J.Túımebaevpen «Qazatomónerkásip» UAK» AQ tóraǵasy A.JumaǵalıvTaýkenttegi «Qanjýǵan» óndiris aımaǵyndaǵy PV-5 ken óndirý oryndaryn aralap, jumysshylarmen kezdesti. Sondaı-aq, osy kúni áleýmettik damý salasyndaǵy qarym-qatynastardy nyǵaıtý jáne qoldaý kórsetý; qyzmetkerlerdiń jumys oryndary men jalaqysyn qysqartýǵa jol bermeý; eńbek zańnamasynyń talaptaryn saqtaý, onyń ishinde jalaqy bereshegin óteý boıynsha jumystardy jandandyrý; jergilikti qamtýdy damytý salasynda qoldaý kórsetý boıynsha eki jaqty yntymaqtastyq memorandýmyna qol qoıyldy.