J.Qasymbek: 2016 jyly transulttyq korporatsııalardyń qatysýymen jalpy somasy 78 mlrd. teńge bolatyn 7 joba iske asyrylady
15:48, 28 Maýsym 2016
ASTANA. QazAqparat - 2016 jyly transulttyq korporatsııalardyń qatysýymen jalpy somasy 78 mlrd. teńge bolatyn 7 joba iske asyrylady. Bul týraly búgin halyqpen eseptik kezdesýin ótkizgen QR Investıtsııalar jáne damý mınıstri Jeńis Qasymbek málim etti.
«Budan buryn Indýstrııalandyrý kartasynyń aıasynda 128 jańa joba paıdalanýǵa berilgeni týraly aıttym. Mine, olardan basqa 2015 jyly «tirek ınvestorlarynyń» jáne transulttyq korporatsııalardyń qatysýymen 130 mln. AQSh dollary somasyna 4 jańa óndiris iske qosyldy», - dedi ol.
Onyń atap ótýinshe, taǵy 6 sheteldik kompanııa Qazaqstandaǵy óz zaýyttaryna qosymsha 130 mln AQSh dollaryn salyp, óz óndiristerin keńeıtken.
«2016 jyly transulttyq korporatsııalardyń qatysýymen jalpy somasy 78 mlrd. teńge bolatyn 7 jobany farmatsevtıka ónerkásibi, agroónerkásip kesheni, taý-ken metallýrgııa kesheni, hımııa ónerkásibi, qurylys ındýstrııasy salalarynda iske asyrý josparlanýda», - dedi J.Qasymbek.