Zeınetkerdiń telefonynan shotyndaǵy aqshasyn jymqyrǵan astanalyq qolǵa tústi

<p>ASTANA. KAZINFORM &ndash; &nbsp; Elorda polıtsııasy zeınetkerdiń telefonyn alyp, shotyndaǵy barlyq jıǵan-tergenin jymqyrǵan er adamdy ustady. Bul týraly Polisia.kz jazdy.&nbsp;</p>

Polıtsııaǵa 71 jastaǵy qala turǵyny aryz berip, beıtanys bireý onyń quny 100 myń teńge turatyn Samsung telefonyn tartyp alǵanyn aıtqan. Jas jigit jábirlenýshiniń oryndyǵynyń qasyna kelip otyrǵan. Zeınetkermen sóıleskennen keıin ol qolyndaǵy uıaly telefonyn julyp alyp, izin sýytqan. Keıin qaskúnem mobıldi bankıng arqyly jábirlenýshiniń banktik shotynan 475 myń teńge kólemindegi qarajatty ıemdengen.

Jedel-izdestirý is-sharalary barysynda Baıqońyr aýdandyq PB krımınaldyq polıtsııa bóliminiń qyzmetkerleri qaraqshylyq shabýylmen aınalysqan 31 jastaǵy Pavlodar oblysynyń turǵynyn ustaǵan.

Atalǵan fakti boıynsha QR Qylmystyq kodeksiniń 191-baby (Tonaý) boıynsha sotqa deıingi tergeý amaldary júrgiziledi. Shabýyl jasaǵan adam PD ýaqytsha ustaý ızolıatoryna jetkizildi. Astana qalasy polıtsııa departamenti azamattardy qyraǵy bolýdy eskertedi.

Sizge qarsy zańsyz áreketter jasalsa, dereý polıtsııaǵa qońyraý shalýǵa keńes beredi.