Zeınetker jáne qandas kýálikteri endi eGovMobile qosymshasynda qoljetimdi
QR Eńbek jáne halyqty áleýmettik qorǵaý mınıstrligi «Eńbek resýrstaryn damytý ortalyǵy» AQ jáne QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń «Ulttyq aqparattyq tehnologııalar» AQ-men birlesip, «Tsıfrlyq Qazaqstan» memlekettik baǵdarlamasy sheńberinde tsıfrlyq qujattar jıyntyǵyn keńeıtý boıynsha jumys júrgizdi. Endi eGovMobile qosymshasynda zeınetker kýáligi men qandas kýáligi qoljetimdi.
Servıs ózimen birge qujattyń túpnusqasy joq adamdarǵa paıdaly bolady. Kýálik ıesi (zeınetker nemese qandas) ony talap etken jeri boıynsha usyna nemese telefondaǵy messendjerler arqyly óziniń elektrondyq qujatyn kórsete alady. Sonymen qatar, tsıfrlyq qujattarda QR-kod arqyly ashý múmkindigi bar, bul qujatty suraǵan tarapqa onyń túpnusqalyǵyn tekserýge kómektesedi.
«Qazir Qazaqstan turǵyndarynyń kópshiligi qaltadaǵy smartfonsyz ómirdi elestete almaıdy, sondyqtan tsıfrlyq qujattardy paıdalaný yńǵaıly, óıtkeni smartfondy árdaıym derlik ózimizben birge alyp júremiz. Ózińizben birge qaǵaz qujattardy alyp júrýdiń qajeti joq. Bul servıs elektrondyq úkimet arqyly tekserilgen», – dep atap ótti QR Eńbek jáne halyqty áleýmettik qorǵaý vıtse-mınıstri Erbol Ospanov.
Búgingi kúni servıste kelesi qujattar da bar: jeke kýálik, nekeni tirkeý týraly kýálik, bilimi týraly dıplom, balanyń týý týraly kýáligi, stýdenttik bılet jáne t. b.
«Sondaı-aq, jyl sońyna deıin azamattyń áleýmettik mártebesin kórsetetin áleýmettik ID biryńǵaı tsıfrlyq qujatyn iske asyrý josparlanýda. Jaqyn arada kópbalaly otbasylarǵa beriletin járdemaqy jáne ataýly áleýmettik kómek alýshylardyń qujattary jáne basqalary tsıfrlyq formatqa kóshiriledi. Ýaqyt óte kele biz qujattardyń qaǵaz nusqalarynan múldem qajet bolmaıdy», – dep tolyqtyrdy Erbol Ospanov.