Zeınetaqy jınaqtaryn paıdalaný merzimi nelikten qysqardy - Basshynyń túsindirmesi

NUR-SULTAN. QazAqparat - «Biryńǵaı jınaqtaýshy zeınetaqy qory» AQ Basqarma tóraǵasy Janat Qurmanov zeınetaqy jınaqtaryn paıdalaný merzimi nelikten 45-ten 20 kúnge deıin qysqarǵanyn aıtty, dep habarlaıdy QazAqparat tilshisi.

Májilistiń jalpy otyrysynan keıin tilshiler saýalyna jaýap bergen Janat Qurmanov atalǵan merzimdi bekitý «Otbasy banki» men basqa da ekinshi deńgeıli bankter aınalysatynyn jetkizdi.

«BJZQ qyzmetine júginý men ózińniń zeınetaqy jınaqtaryńdy ókiletti operatorlardyń arnaıy shotyna aýdarar aldynda qandaı baspanany satyp alatynyn anyqtap qarap, tıisti qujattardy daıarlaý kerek. Bul qarajat ınvestıtsııalyq aınalymnan shyǵarylady jáne adamǵa ınvestıtsııalyq kiris ákelmeıdi. Shyn máninde aınalymdaǵy jınaq turalap qalady. Sondyqtan arnaı shotta jaı jatpas úshin atalǵan kezeńdi qysqartqan tıimdi bolar edi», - dedi J. Qurmanov.

Osy oraıda ol el halqyn qujattardy aldyn ala daıarlap alyp, ózine kerek baspanany aıqyndap alýǵa shaqyrdy.

Basqarma tóraǵasynyń sózine qaraǵanda, adamdar tıisti daıyndyq jumystaryn júrgizse, Úkimet esepteýi boıynsha 20 kún jetkilikti.

Eske sala keteıik, jaqynda zeınetaqy jınaqtaryn paıdalaný merzimi ózgerdi.