Zeınetaqy jınaǵynyń 50 paıyzyn paıdalaný: BJZQ usynystar aıtty

ASTANA. QazAqparat – Biryńǵaı jınaqtaýshy zeınetaqy qorynyń qoǵamdyq keńesi salymshylardyń zeınetaqy jıanyǵyndaǵy aktıvterin basqarýshy kompanııalardyń jarǵylyq jáne menshikti kapıtalyna joǵary talaptar qoımaýdy usynady, dep habarlaıdy QazAqparat tilshisi Qorǵa silteme jasap.

Qordyń resmı saıtyndaǵy málimetke súıensek, qoǵamdyq keńes Ulttyq banktiń zeınetaqy aktıvterin jeke kompanııalarǵa ınvestıtsııalyq basqarýǵa berý ıdeıasyn qoldap otyr.

Naqtyraq aıtsaq, basqarýshy kompanııalardyń jarǵylyq jáne menshikti kapıtalyna joǵary talaptar qoımaýdy usynady. Bastapqy kezeńde mundaı basqarýshy kompanııalardy BJZQ iriktese, keıin olardy tańdaý quqyǵyn salymshylardyń ózderine quqyq berý josparlanyp otyr.

Sondaı-aq BJZQ zeınetaqy aktıvteri esebinen satyp alýǵa ruqsat etilgen qazaqstandyq baǵaly qaǵazdardyń tizbesin tikeleı anyqtaýdy usynady. Basqarýshy kompanııalar táýekelderdi boldyrmaý úshin ótimdi naryqtarǵa erkin ınvestıtsııalaý múmkindigine ıe bolady.

«Barlyq salymshylarǵa zeınetaqy jınaqtarynyń bir bóligin ózderi tańdaǵan ınvestıtsııalyq portfeldi basqarýshylarǵa eń tómengi jetkiliktilik shegi boıynsha shekteýsiz aýdarý quqyǵyn berý josparlanyp otyr. Óıtkeni ınvestıtsııalyq portfeldi basqarýshyny aýystyrý kezinde jınaqtaýshy zeınetaqy júıesinen aqsha alynbaıdy. Al portfeldi basqarýshy kompanııanyń salymshy aktıvterin ınvestıtsııalaýdy ártaraptandyrý jáne olardyń kiristiligin arttyrý jónindegi múmkindikteri keńeıtiledi», - delingen qoǵamdyq keńes usynǵan joba tanystyrylymynda.

Buǵan deıin zeınetaqy jınaǵynyń 50 paıyzyn jeke kompanııalarǵa aýdarý múmkindigi jasalatyndyǵy týraly habarladyq. Jýyrda bul qujatty Parlament qaraıtyn bolady.