Zeınetaqy jınaǵyn paıdalaný: Baspana jaǵdaıyn jaqsartýǵa 635 myń ótinim tústi

NUR-SULTAN. QazAqparat – «Biryńǵaı jınaqtaýshy zeınetaqy qoryndaǵy» zeınetaqy jınaǵynyń bir bóligin baspana jaǵdaıyn jaqsartýǵa jumsaýǵa 635 myńnan astam ótinim jiberilgen, dep habarlaıdy QazAqparat atalmysh qor aqparatyna silteme jasap.

2021 jyldyń 5 tamyzyndaǵy jaǵdaıy boıynsha BJZQ-ǵa ýákiletti operatorlardan turǵyn úı jaǵdaılaryn jaqsartý maqsatynda birjolǵy zeınetaqy tólemderin júzege asyrýǵa 635 066 (qabyldanbaǵany – 253 969) ótinish, emdelýge 45 524 (qabyldanbaǵany – 17 227) ótinish kelip tústi. Investıtsııalyq portfeldi basqarýshylarǵa aýdarýǵa 3 067 (qabyldanbaǵany – 617) ótinish joldandy.

Ótinimderdiń qabyldanbaýynyń sebepteri:

1. Somalar durys kórsetilmegen, onyń ishinde zeınetaqy jınaqtarynyń somasy artyq kórsetilgen.

2. Jeke tabys salyǵyn (JTS) tóleý tásilin tańdaý kezinde alýǵa suranys jasalatyn somalar durys kórsetilmegen.

3. Salymshylar alýǵa bolatyn soma sheginde emes, zeınetaqy jınaqtarynyń búkil somasy kórsetilgen.

4. Ótinimde ózekti emes somalar kórsetilgen, ıaǵnı salymshylar ınvestıtsııalyq tabystyń naryqtyq aýytqýyna baılanysty zeınetaqy jınaqtary somasyndaǵy ózgeristerdi eskermegen.

5. «BJZQ» AQ derekter bazasynda jeke zeınetaqy shottary jáne tıisinshe zeınetaqy jınaqtary joq tulǵalardan da ótinimder túsken.

6. Ótinim qaıtalap jiberilgen.