Zeınetaqy qorynyń qazaqstandyqtardan alatyn komıssııasy azaıady

ASTANA. QazAqparat – Biryńǵaı jınaqtaýshy zeınetaqy qorynyń salymshylarǵa kórsetken qyzmeti úshin alatyn komıssııasy 0,01 paıyzdan 0,008 paıyzǵa azaıady. Bul jaıynda Eńbek jáne halyqty áleýmettik qorǵaý mınıstri Tamara Dúısenova Senat otyrysynan keıin BAQ ókilderine bergen suhbatynda aıtty, dep habarlaıdy QazAqparat tilshisi.

Mınıstrdiń aıtýynsha, mundaı norma Áleýmettik kodekstiń jańartylǵan redaktsııasyna enip otyr.

«Búginge deıin jınaqtaýshy zeınetaqy qory bizdiń zeınetaqy jınaǵymyzdan kórsetken qyzmeti úshin 0,01 paıyz alyp júrgen. Endi sol qyzmet 0,01 paıyzdan 0,008 paıyzǵa tústi. ıAǵnı, zeınetaqy jınaǵynan alatyn qarajat shotymyzda kóbirek qalatyn boldy», - dedi Tamara Dúısenova.