Zeınetaqy qorynyń 200 mlrd teńgesi bankterge beriledi

ASTANA. QazAqparat - Ekinshi deńgeıli bankter Biryńǵaı jınaqtaýshy zeınetaqy qorynyń 200 mlrd teńgesin naryq stavkasymen  alady. Bul týraly búgin Úkimettiń selektorlyq rejimdegi otyrysynda QR Ulttyq banki tóraǵasy Danııar Aqyshev aıtty, dep habarlaıdy QazAqparat tilshisi.

Ulttyq bank kredıtteýdi odan ári yntalandyrý boıynsha birqatar bastamany iske asyrýda. Birinshi - «7-20-25» baǵdarlamasyn iske asyrý.  Eki aıdan az ýaqytta 18 mlrd teńgege ótinim maquldandy. Bul baǵdarlamanyń kredıtteýdiń jylyna 200 mlrd teńgege ósý múmkindigin rastaıdy. Tıisinshe, bankter 5 jylda 1 trln teńge ıpotekalyq kredıtter bere alady. Bul bankterdiń ıpotekalyq portfelin eki ese arttyrady»,-  dedi Danııar Aqyshev.

Ol ekinshiden, Biryńǵaı jınaqtaýshy zeınetaqy qorynyń qarajatyn ornyqty bankterdiń oblıgatsııalaryn satyp alý úshin abaılap paıdalaný máselesine toqtaldy.

«Bankter BJZQ-nyń salystyrmaly túrde kóp emes qarajatyn, 200 mlrd teńgeni naryq stavkasy boıynsha ashyq negizde alady. Úshinshi, bankterdi qalypqa keltirý baǵdarlamasy. Bul memlekettiń qatysýynyń ornyna aktsıonerler 1-ge 2 proportsııada tolyq kapıtaldandyrýǵa tıis. Bankter alǵan qarajat  kredıtterdi esepten shyǵarýǵa jumsalady. Bul olarǵa ekonomıkany kredıtteý úshin qarjyny bosatýǵa múmkindik beredi. Qazirgi kezde 1,3 trln teńge qaıta qarjylandyryldy, onyń 500 mlrd teńge somasyna jańa kredıt berildi», - dedi Ulttyq banki tóraǵasy.

Tórtinshden, onyń dereginshe, kredıtteýdi odan ári yntalandyrý talaptary jeńildetiledi.

«Mysaly, Táýekelge baǵdarlanǵan qadaǵalaýdy endirý aıasynda qalypty bankter úshin 2019 jyldan bastap jeńildikter qoldanylady. Halyqaralyq naryqtardan qarajat tartýdy shekteý boıynsha keıbir normatıvterdiń kúshi joıyldy. Bankterdi qorlandyrýdy uzartatyn jınaq depozıtteri engizildi. Memlekettik-jekeshelik áriptestikti damytýda baǵytyndaǵy jobalarǵa qatysatyn kásipkerlerdi qarjylandyrý úshin bankterdiń kredıtterin belsendi paıdalaný máselesi sheshildi», - D.Aqyshev.