Zeınetaqy qarjysyn «Otbasy bankine» aýdarý: Halyq bilýi tıis basty úsh fakti

NUR-SULTAN. QazAqparat – QR Indýstrııa jáne ınfraqurylymdyq damý mınıstrligi zeınetaqy qoryndaǵy shekti somadan asatyn qarjyny «Otbasy bankiniń» depozıtine aýdarýǵa qatysty basty 3 fakti týraly habarlady.

«2021 jyldyń 10 jeltoqsanynda QR Indýstrııa jáne ınfraqurylymdyq damý mınıstriniń «Turǵyn úı jaǵdaıyn jaqsartý úshin birjolǵy zeınetaqy tólemderin paıdalaný týraly» buıryǵyna sáıkes Erejege engizilgen ózgerister bekitildi. Osyǵan qaraı azamattardy qyzyqtyrǵan suraqtarǵa taldaý jasap, jaýaptar daıyndaldy. Búgin biz sol saýaldardyń birine jaýap beremiz»,-delingen habarlamada.

Zeınetaqy jınaqtarynyń bir bóligin «Otbasy bankiniń» depozıtine aýdarý kezinde qandaı sharttar saqtalýy tıis?

Memleket basshysynyń 2021 jylǵy 1 qyrkúıektegi Joldaýynda berilgen tapsyrmalarǵa sáıkes zeınetaqy jınaqtarynyń eń tómengi jetkiliktilik sheginen asatyn bir bóligin «Otbasy bankiniń» shottaryna aýdarý boıynsha norma kózdelgen.

Maqsat - turǵyn úı satyp alý úshin qarajat jınaqtaý.

1. Alýshy óz salymyn úsh jyldyń ishinde paıdalanýy kerek.

2. Alýshy zeınetaqy qarajatyn jınaqtaý merzimi bar, buryn ashylǵan salymǵa aýdarýǵa quqyly.

3. Turǵyn úı qurylysy jınaq aqshasy týraly salymdy kepil retinde berýge tyıym salynady.