Zeınetaqy aktıvteriniń aılyq tabys deńgeıi 1 paıyzǵa jetpeıdi

ASTANA. QazAqparat – Bıylǵy qańtar aıynda BJZQ-daǵy zeınetaqy aktıvteri boıynsha tabys deńgeıi 0,44 paıyzdy qurady, dep habarlaıdy QazAqparat tilshisi.

Atap aıqanda, 2023 jylǵy qańtarda ınflıatsııa 1,1 paıyzǵa jetti.

Osy oraıda qańtar aıynda tabys kólemi ınflıatsııadan azdaý boldy.

2023 jylǵy 1 qańtarǵa zeınetaqy aktıvteriniń jalpy kólemi shamamen 14,7 trln teńge boldy.

«2022 jyldyń 12 aıyndaǵy jalpy tabys oń sıpatqa ıe. Investıtsııalyq qyzmettiń nátıjesinde, sondaı-aq, shetel valıýtalary baǵamdarynyń qubylmalylyǵy jáne qarjy quraldarynyń naryqtyq qunynyń ózgerýi saldarynan eseptelgen ınvestıtsııalyq kiristiń mólsheri jyl basynan beri 914,1 mlrd teńgege jetti. Bul kezeń ishinde zeınetaqy aktıvteriniń kiris kólemi – 6,55%. QR UB zeınetaqy aktıvterin basqarǵan 2014 jyldan bastap 2022 jylǵy jeltoqsanǵa deıin jınaqtalǵan ınvestıtsııalyq tabys 6,9 trln teńge boldy», - delingen BJZQ málimetinde.

Eske salsaq, 2022 jyly zeınetaqy aktıvteriniń kiris kólemi 6,55 paıyzǵa jetse, ınflıatsııa 20,3 paıyzdy qurady.