Zeınetaqy jınaqtarynyń 2025 jylǵa arnalǵan eń tómengi jetkiliktilik shegi sol deńgeıde qalady

<p>QR Áleýmettik kodeksine sáıkes &laquo;BJZQ&raquo; AQ jyl saıyn, kelesi qarjy jylyna arnalǵan QR &laquo;Respýblıkalyq bıýdjet týraly&raquo; Zańy resmı jarııalanǵannan keıin bes jumys kúninen keshiktirmeı buqaralyq aqparat quraldarynda, sondaı-aq, óziniń ınternet-resýrsynda aldaǵy jylǵa eseptelgen zeınetaqy jınaqtarynyń eń tómengi jetkiliktiligi shegin (TJSh) ornalastyrýǵa mindetti.</p>

Osy talapty oryndaı otyryp, BJZQ 2025 jylǵa arnalǵan TJSh jarııalap, TJSh ólshemderi 2024 jylǵy deńgeıde ózgerissiz qalǵanyn habarlaıdy. Esterińizge sala keteıik, 2024 jyly da TJSh mólsheri kóterilmegen bolatyn.

TJSh - bul aı saıynǵy zeınetaqyny eń tómengi zeınetaqy mólsherinen tómen emes kólemde qamtamasyz etý úshin qajetti zeınetaqy jınaqtarynyń (mindetti zeınetaqy jarnalary esebinen qalyptastyrylǵan) eń tómengi mólsheri. Bul áleýmettik-ekonomıkalyq kórsetkishterge, sondaı-aq, bolashaq zeınetaqy jarnalarynyń (eń tómengi jalaqy mólsherinen) boljamdy esepteýlerine jáne ınvestıtsııalyq kiristilikke súıene otyryp anyqtalatyn zeınetaqy jınaqtarynyń baǵalaý somasy. Basqasha aıtqanda, eń tómengi jetkiliktilik shegi - bul salymshynyń zeınet jasyna jetkende eń tómengi zeınetaqy mólsherinen kem emes zeınetaqy tólemderin (eń tómengi bazalyq zeınetaqy tólemi esebimen) alýy úshin shotta qalýy tıis eń tómengi kórsetkish.

TJSh esepteý Zeınetaqy jınaqtarynyń eń tómengi jetkiliktilik shegin aıqyndaý ádistemesine (budan ári – Ádisteme) sáıkes júrgiziledi (QR Úkimetiniń 30.06.2023j. №521 qaýlysymen (budan ári – №521 qaýly) bekitilgen).

Ádistemege sáıkes, 2025 jylǵa arnalǵan TJSh esepteý kezinde 2025 jylǵa arnalǵan myna áleýmettik-ekonomıkalyq kórsetkishter paıdalanyldy:

1. eń tómengi jalaqy mólsheri - 85 000 teńge;
2. memlekettik bazalyq zeınetaqy tóleminiń eń tómengi mólsheri - 32 360 teńge;
3. zeınetaqynyń eń tómengi mólsheri - 62 771 teńge;
4. bazalyq áleýmettik tólemderdiń mólsherin esepteý úshin eń tómengi kúnkóris deńgeıiniń shamasy - 46 228 teńge.

Jekelegen áleýmettik-ekonomıkalyq kórsetkishterdiń ulǵaıýyna qaramastan, TJSh mólsheriniń burynǵy deńgeıde saqtalýy (2024 jylmen salystyrǵanda, ózgerissiz) eń tómengi jalaqy mólsheri jáne zeınetaqy jınaqtary kiristiliginiń boljamdy jyldyq paıyzdyq mólsherlemesi sııaqty mańyzdy ólshemderdiń ózgerissiz qalýymen ishinara baılanysty bolsa kerek.