«Zeınetaqy jınaǵyndaǵy aqshany shyǵaramyn»: Pavlodarlyq áıel adamdardy aldap, atyna taýarlyq nesıe resimdegen

<p>PAVLODAR. KAZINFORM - Turǵyndar arasynda jalǵan jarnamaǵa aldanyp, san soǵyp qalǵandar az emes. Qazir tártip saqshylary alaıaqtyń qurbany bolǵan jandardy anyqtap jatyr.</p>

Bul týraly óńirlik polıtsııa departamentinen habarlady. Krımınaldyq polıtsııa basqarmasynyń jedel ýákili Súıindik Qaıyrbaevtyń dereginshe, 25 jastaǵy áıel adam azamattardyń zeınetaqy qorynda jınalyp qalǵan aqshasyn shyǵaryp beremin dep aldap, derbes derekterin surap alǵan. Sóıtip olardyń atyna taýarlyq nesıe rásimdegen.

«Internet arqyly alaıaqtyq áreket jasaıtyndar tyıylmaı tur. Taıaýda ǵana polıtsııa qyzmetkerleri oblystyń 20-dan astam turǵynyn san soqtyryp ketken kúdiktilerdi qolǵa túsirgen. Olar jıhaz satamyz dep, jalǵan jarnama berip, azamattardyń banktik esepshottaryn alyp otyrǵan. Budan bólek áleýmettik jeli arqyly júrgizýshi kýáligin, medıtsınalyq anyqtamalardy jáne áskerı bıletterdi jasaý týraly habarlandyrýlar da anyqtaldy», - deıdi polıtsııa ókili.

Sońǵy kúnderi tártip saqshylaryna alaıaqtyń qarmaǵyna ilinip, san soǵyp qalǵan 20-dan astam pavlodarlyq júgingen.