Zeınetaqy jınaǵyn sheship alý talaptary ózgere me

<p>ASTANA. KAZINFORM — Eń tómengi jetkiliktilik sheginen asqan zeınetaqy jınaǵyn alýǵa eshqandaı shekteý bolmaıdy. Bul týraly Úkimet otyrysynan keıingi brıfıngte Eńbek jáne halyqty áleýmettik qorǵaý mınıstri Svetlana Jaqypova aıtty.</p>

Mınıstrdiń aıtýynsha, osy jyldyń ekinshi jartyjyldyǵynda da el azamattary zeınetaqy qoryndaǵy eń tómengi jetkiliktilik sheginen asqan qarajatyn alyp jatyr.

Degenmpen, ótken jylmen salystyrǵanda qarajat alý qarqyny birshama tómen. 

«Bul rette stomatologııalyq em alý nemese baspana jaǵdaıyn jaqsartý bóliginde tynym salýǵa qatysty eshqandaı reforma kózdelip otyrǵan joq», — dedi Svetlana Jaqypova.

Aıta keteıik, Ulttyq bank tóraǵasy Tımýr Súleımenov zeınetaqy júıesine qatysty jumys tobynda BJZQ-dan zeınetaqy jınaǵyn merziminen buryn alý talaptaryn kúsheıtýdi pysyqtap jatqanyn aıtqan bolatyn.

«Ásirese, medıtsınalyq qyzmetke, stomatologııaǵa qarajat kerek degen jeleýmen málimetterdi burmalaýdyń túrli jaǵdaıy kezdesip jatyr. Shyn máninde, osy qarajat basqa maqsattarǵa alǵan. Mundaı is-qımyldarǵa jol bermes úshin talaptardy kúsheıtý kerek», — degen edi UB basshysy.