Zeınetaqy jınaǵyn alý: Ulttyq bank talaptardy kúsheıtýdi usyndy

<p>ASTANA. KAZINFORM &mdash; QR Ulttyq bankiniń tóraǵasy Tımýr Súleımenov zeınetaqy júıesine qatysty jumys tobynda BJZQ-dan zeınetaqy jınaǵyn merziminen buryn alý talaptaryn kúsheıtýdi pysyqtap jatqanyn aıtty.</p>

«Qazir Úkimettiń áleýmettik blogy jumys tobynda zeınetaqy júıesiniń kontýry talqylanyp jatyr. Bul jumys tobynda Ulttyq bank ókilderi de qamtylǵan. Meniń oıymsha, ony reformalaý kerek ekenine eshkim kúmán keltirmeıdi. Bul óz kezeginde óte kúrdeli protsess ekeni túsinikti. Osy turǵyda zeınetaqyǵa biraz faktor áser etedi, ıaǵnı ómir súrý uzaqtyǵy, halyq sany, ınflıatsııa, halyqtyń naqty tabysy sııaqty máseleni nazarǵa alý kerek», - dedi T. Súleımenov elordada ótken baspasóz máslıhatynda.

Onyń aıtýynsha, eń tómengi jetkiliktilik sheginen asqan zeınetaqy jınaǵyn alý qysqartylýy múmkin.

«Ásirese, medıtsınalyq qyzmetke, stomatologııaǵa qarajat kerek degen jeleýmen málimetterdi burmalaýdyń túrli jaǵdaıy kezdesip jatyr. Shyn máninde, osy qarajat basqa maqsattarǵa alǵan. Mundaı is-qımyldarǵa jol bermes úshin talaptardy kúsheıtý kerek. Atap aıtqanda, osy ıdeıa pysyqtalyp jatyr», - dedi UB basshysy.

Eske salsaq, Biryńǵaı jınaqtaýshy zeınetaqy qory 2024 jylǵa arnalǵan zeınetaqy jınaǵynyń eń tómengi jetkiliktilik shegin jarııalady.