Zeınetaqy az, klıentter máz: Jeńgetaılyq qyzmet kórsetken 62 jastaǵy zeınetker sottaldy

<p>ASTANA. KAZINFORM &ndash; Semeılik áıel zeınetaqysyn azdyq etip, saýnaǵa kelgenderge jeńgetaılyq qyzmet kórsetken. Jergilikti uıymdasqan qylmysqa qarsy kúres departamentiniń qyzmetkerleri zańsyzdyqtyń aldyn aldy.</p>

Abaı oblystyq polıtsııasy baspasóz qyzmetiniń málimetinshe, zeınetker ár tapsyrystan orta eseppen 15-25 myń teńge kóleminde aqsha alyp otyrǵan.

Tintý kezinde tártip saqshylary qolma-qol aqsha men basqa da zattaı aıǵaqtardy tárkiledi. Jeńgetaılyqpen aınalysqan zeınetker 9 jezókshege klıent taýyp berip otyrǵan. Onyń úsheýi qazaqstandyq, altaýy – Ózbekstan azamaty.

«Aıyptalýshyǵa qatysty Qylmystyq kodekstiń 309-babynyń 1-bóligi «Jezókshelikpen aınalysý úshin prıtondardy uıymdastyrý nemese ustaý» boıynsha sotqa deıingi tergeý júrgizildi», - delingen Abaı oblystyq polıtsııasy baspasóz qyzmeti usynǵan málimette.

Zeınetker shartty túrde eki jylǵa bas bostandyǵynan aıyryldy, probatsııalyq baqylaý ornatyldy. Synaq merzimi buzylǵan jaǵdaıda sot shartty jazanyń kúshin joıyp, ony naqty jazamen aýystyrýy múmkin.