Zeınetaqy aktıvterin jeke basqarýdan Ulttyq bank basqarýyna qaıtarý tizbesi keńeıtildi

<p>ASTANA. KAZINFORM - Zeınetaqy aktıvterin jeke basqarýdan Ulttyq banktiń senimgerlik basqarýyna qaıtarý jaǵdaılarynyń tizbesi keńeıtildi. Bul týraly Qarjy naryǵyn retteý jáne damytý agenttiginen málim etti.</p>

Vedomstvo málimetinshe, «Qazaqstan Respýblıkasynyń keıbir normatıvtik quqyqtyq aktilerine baǵaly qaǵazdar naryǵy jáne zeınetaqymen qamsyzdandyrý máseleleri boıynsha ózgerister men tolyqtyrý engizý týraly» agenttik basqarmasynyń 2024 jylǵy 29 tamyzdaǵy №72 qaýlysy qabyldandy. 

Qaýly qarjy quraldary – brokerlik jáne (nemese) dılerlik qyzmetpen nomınaldy ustaýshy retinde klıentterdiń shottaryn júrgizý quqyǵymen mámileler boıynsha klırıngtik qyzmetti qosa atqarý múmkindigin kózdeıdi. Bul jańalyq klırıngtik uıymnyń óz fýnktsııalaryn oryndaýynyń tıimdiligin arttyrý jáne Qazaqstannyń qor naryǵynda mámilelerdiń oryndalýyna kepildik berýdi qamtamasyz etý úshin engiziledi.

Sonymen qatar qaýlyda baǵaly qaǵazdar naryǵynda kásibı qyzmet túrlerin qosa atqarýdyń tártibi men talaptary aıqyndalǵan.

«Qujat zeınetaqy aktıvterin jeke basqarýdan Qazaqstan Respýblıkasy Ulttyq Bankiniń senimgerlik basqarýyna qaıtarý jaǵdaılarynyń tizbesin de keńeıtedi. Atalǵan tizimge 55 jasqa tolǵan jáne eńbek jaǵdaılary zııandy kásiporyndarda eńbek etken azamattar engizilgen. Bul talap Qazaqstan Respýblıkasynyń Áleýmettik kodeksimen belgilengen keste boıynsha BJZQ-dan osyndaı adamdarǵa zeınetaqy tólemderiniń engizilýine baılanysty iske asyryldy», - dep atap ótedi agenttikten.