Zeınet jasyndaǵy akademıkterge ómir boıy 221,5 myń teńgeden stıpendııa tólenedi

<p>ASTANA. KAZINFORM &ndash; Ǵylym jáne joǵary bilim mınıstrligi Ulttyq ǵylym akademııasynyń zeınet jasyndaǵy akademıkterine ómir boıyna aı saıyn tólenetin stıpendııanyń mólsherin belgileý jáne tóleý qaǵıdalaryn retteıtin qaýly jobasyn kópshilik talqylaýyna shyǵardy.&nbsp;</p>

«Qazaqstan Respýblıkasy Ulttyq ǵylym akademııasynyń zeınetkerlik jasqa tolǵan akademıgine ómir boıǵy aı saıynǵy stıpendııanyń mólsheri 60 (alpys) aılyq eseptik kórsetkish mólsherinde belgilesin jáne ony tóleý qaǵıdalary bekitilsin», - dep jazylǵan qaýly jobasynda.

Stıpendııa alýǵa úmitker akademık Ulttyq ǵylym akademııasyna myna qujattardy ótkizý kerek:

1) erkin nysanda stıpendııany tóleýge ótinish;
2) UǴA akademıgi mártebesin rastaıtyn qujat (UǴA akademıgi mártebesin berý týraly UǴA otyrysynyń hattamasynan úzindi);
3) Qazaqstan Respýblıkasynyń azamattyǵyn rastaıtyn qujat (Qazaqstan Respýblıkasy azamatynyń jeke kýáliginiń nemese pasportynyń kóshirmesi);
4) ekinshi deńgeıdegi bank aıqyndaıtyn nysan boıynsha shottyń bolýy týraly bank anyqtamasy.

Stıpendııa tóleý mynandaı jaǵdaılarda toqtalady:
1) UǴA akademıgi qaıtys bolsa (qaıtys bolý týraly anyqtama/kýálik);
2) UǴA akademıgi habar-osharsyz ketse nemese qaıtys boldy dep jarııalansa;
3) UǴA quramynan shyǵarylsa (UǴA tóralqasy otyrysynyń hattamasynan úzindi);
4) Qazaqstan Respýblıkasynyń azamattyǵy toqtatylsa.

Qaýly bıylǵy 1 qyrkúıekten bastap kúshine enedi.

Ulttyq ǵylym akademııasynyń resmı saıtyndaǵy málimet boıynsha, UǴA quramyndaǵy 252 músheniń 163-i akademık, 89-y korrespondent-múshe, 16-sy sheteldik jáne 94-i qurmetti múshe, 41-i ujymdyq múshe, 6 -aýy — professor.