Zertteýshi: Kóne túrikter Hrıstofor Kolýmbqa deıin Amerıkanyń bar ekenin bilgen
Bul týraly «Ekspress K»jazdy.
«Ǵalymdardyń pikirinshe, Meksıkada alyp meteorıttiń qulaýy saldarynan Antarktıdany 13 myń jyl buryn qar basqan, - deıdi zertteýshi Ersaıyn Shyǵaev. - Al buǵan deıin bul ormany men jazyq dalasy bar materık bolǵan».
Ersaıyn Shyǵaev boljap otyrǵandaı, adamzat Afrıkada emes, Antarktıdada paıda bolǵan. Bul materıkte shamamen jarty mıllıon jyldaı mekendegen. Jerdiń otarlanýy sol jerde bastalǵan. 40 myń jyl buryn ómir súrgen adamdardyń súıeginiń tabylmaýy da osymen túsindiriledi.
Planetada klımat kúrt ózgergende Antarktıdanyń kóne turǵyndaryna qonys aýdarýǵa týra keledi. Olar Úndi muhıtymen ótip, Ortalyq Azııaǵa jetken. Túrik admıraly Hadja Mýhıddın Pırıdiń 1513 jyly syzǵan kartasy buǵan dálel. Eýropada muny «Pırı-reıs» kartasy dep ataıdy. Onda eki Amerıka men Antarktıda beınelengen. Muzdy kontınent qarsyz beınelengen...
«Kóne qonys aýdarýshylar jańa meken retinde Eýrazııany tańdady, - dedi Ersaıyn Shyǵaev. - Ǵaryshtan kórinetin júz metrlik jazbalar muny aıǵaqtaıdy. Bul olardyń urpaqtaryna baǵyttalǵan shıfrlanǵan joldaýlary boldy. Bul materıkti tańdaýyna Eýrazııanyń tabıǵı apattardan azyraq zardap shegetini sebep boldy. Túrkııalyq admıral Hadja Pırıdiń kartasy túrik manýskrıptterinen kóshirilip jazylýy múmkin. Arab jylnamashylarynyń aıtýynsha, bul pergamentter Otyrar kitaphanasynda saqtalǵan. Sondyqtan kóne túrikter muzdy kontınent jáne eki Amerıkanyń bar ekenin bilgen».