Zertteý: Tabıǵat aıasynda ótkizgen eki saǵat densaýlyqqa paıdaly
Mamandardyń aıtýynsha, aptasyna bir ret eki saǵat tabıǵat aıasynda ýaqyt ótkizý densaýlyqqa paıdaly, dep jazady The Guardian basylymy.
«Saıabaqta, ormanda nemese jaǵajaıda ýaqyt ótkizýdiń densaýlyqqa paıdaly ekeni burynnan belgili. Degenmen, ǵalymdar júrgizgen jańa zertteý alǵash ret tabıǵat aıasynda qansha ýaqyt ótkizýdiń paıdaly ekenin anyqtady», dep jazady basylym.
Avtordyń aıtýynsha, tabıǵatta ótkizgen eki saǵat bes kún qatarynan jemis-jıdek jeýmen nemese aptasyna 150 mınýt fızıkalyq jattyǵý jasaýmen para-par.
«Zertteýge Anlııadan 20 myń adam qatysty. Zertteýdi Ekseter ýnıversıteti Medıtsına mektebiniń mamandary júrgizdi», dep jazady avtor.
Onyń aıtýynsha, eki saǵat tabıǵat aıasynda ýaqyt ótkizý jastar úshin de, qarttar úshin de birdeı paıdaly bolyp shyqqan.
«Ǵalymdardyń aıtýynsha, tabıǵat aıasynda ýaqyt ótkizý barlyq adam úshin paıdaly. Sondaı aq eki saǵat ýaqyt bir kúnde ótkizýge nemese ony birneshe bólikterge bólip tabıǵat aıasynda ótkizýge bolady. Sonymen qatar ǵalymdar tabıǵattyń densaýlyqqa naqty qalaı áser etetinin anyqtamady», dep jazady basylym.