Zertteý: kúnine bes baspaldaq aralyǵyna shyǵý júrek-qan tamyr aýrýlary qaýpin 20%-ke azaıtady

<p>Dáriger Darıen Satton "adamdar densaýlyǵyn jaqsatý úshin ne isteı alady?" degen suraqqa jaýap berdi, dep habarlaıdy Kazinform agenttigi ABC News basylymyna <a href="https://abcnews.go.com/GMA/Wellness/time-walk-10000-steps-alternatives-beneficial-studies/story?id=104278151" target="_blank" rel="noopener">silteme</a>&nbsp;jasap.</p>

Kúnine 10 000-nan astam qadam jasaý adam densaýlyǵyn jaqsartatyny belgili, biraq bul maqsatqa jetý kóbi úshin qıyn bolýy múmkin, sebebi ol shamamen 5 mıl nemese 8 shaqyrymnan asa jol.

«Atherosclerosis» (Ateroskleroz) medıtsına jýrnalynda jarııalanǵan zertteý kúnine bes baspaldaq aralyǵyn ıgerý nemese shamamen 50 baspaldaqqa shyǵý júrek-qan tamyr aýrýlary týyndaý qaýpin 20%-ke tómendetedi. Zertteýge 450 000 eresek adam qatysqan.

Medıtsınalyq jýrnalda jazylǵan jedel medıtsınalyq kómek dárigeri Darıen Sattonnyń sózinshe, bir baspaldaqqa kúnine eki-úsh ret minip-túsýge de bolady. Sonymen qatar ol keńsede jumys isteıtin qyzmetkerlerge basqa qabattaǵy dárethanaǵa barýǵa keńes beredi.

Satton baspaldaqpen júrý júrek-qan tamyr aýrýlarynyń týyndaý qaýpin ǵana emes, dıabet týyndaýynyń da aldyn alyp, bulshyqetterdi nyǵaıtady deıdi.

Seısenbi kúni Brıtandyq sporttyq medıtsına jýrnalynda jarııalanǵan taǵy bir zertteý qysqa júktemeler aǵzaǵa paıdaly ekenin rastady.

Zertteý kúnine 20-25 mınýt fızıkalyq turǵyda belsendi bolý, ıaǵnı jaıaý júrý, asyqpaı baıaý júgirý, velosıped aıdaý adam ómirin uzartatynyn kórsetti.

Zertteý kóp ýaqytyn otyryp, jatyp jumys isteýge májbúr nemese 20 mınýttan asa fızıkalyq turǵyda belsendi bola almaıtyn adamdardyń ólim qaýpi 40%-ke joǵary ekenin anyqtady.

«Bul – qozǵalys uzaq ómirdiń kilti ekenine mysal ǵana», - dedi Satton zertteý týraly. Ol kúnine birneshe mınýt jattyǵý jasaý jetkilikti ekenin atap ótti.

AQSh Aýrýlardy baqylaý jáne aldyn alý ortalyqtary eresekterge aptasyna 150 mınýt birkelki qarqynmen fızıkalyq belsendi bolýdy nemese kúnine 30 mınýt, aptasyna 5 ret qozǵalysta bolýdy usyndy. Júktemeni bólip tastap, bir apta ishinde oryndap turýǵa da bolady.

Eresekterge aptasyna eki ret bulshyqetterdi nyǵaıtý úshin jattyǵý jasaý da usynylady.